हेफरको ‘स्वर्णिम प्रतिभा’बाट छमीकुमारी पुरस्कृत

शक्तिखोर । शक्तिखोर–८ देवीटारकी छमीकुमारी रानामगर हेफर इन्टरनेशनलको स्वर्णिम प्रतिभा पुरस्कारबाट पुरस्कृत हुनुभएको छ । शुक्रबार शक्तिखोरको गैरीबारीमा आयोजित १५ औं हेफर दिवसको अवसरमा छमीकुमारीलाई पुरस्कृत गरिएको हो ।

महिलाहरुलाई समूहमा आवद्ध गराइ आर्य आर्जनमार्फत गाउँलेको जीवनमा परिर्वतन ल्याउन उल्लेख्य भूमिका खेलेको भन्दै हेफरले छमीकुमारीलाई पुरस्कृत गरेको हो । चितवनका स्थानीय विकास अधिकारी बन्धुप्रसाद बास्तोलाले चेक तथा सम्मानपत्र हस्तान्तरण गर्नुभएको हो । पुरस्कारको राशि नगद ७० हजार रुपैयाँ छ ।
 

हेफर इन्टरनेशनलले वितरण गरेको बाख्रापालनमा आफ्नो तथा गाउँलेको जीवनमा आमूल परिवर्तन ल्याउनुका साथै समाज परिवर्तनमा समेत मह¤वपूर्ण भूमिका खेलेकाले उनलाई सम्मान गरिएको हेफर इन्टरनेशनल भरतपुर कार्यालयका कार्यक्रम प्रबन्धक पिताम्बर कुश्वाहले जानकारी दिनुभयो ।

मगर र चेपाङ समुदायको बाहुल्य रहेको देवटिारमा छमीकुमारी मगरको अगुवाइमा १३३ घरधुरीले बाख्रापालनबाट राम्रो आम्दानी गर्न थालेका छन् । हेफरको सहयोगमा छमीकुमारीको प्रयासबाट अहिले देवीटार गाउ“कै आम्दानीको श्रोत बाख्रापालन भएको छ । 

देवीटारका महिलाहरुलाई हेफरले प्रदान गरेको बाख्रा उपहारले गाउ“का सबै महिलालाई बाख्रापालनमा प्रेरित गरेको सम्मानित हुनुभएकी छमीकुमारीले बताउनुभयो । ‘पहिला महिलालाई समूहमा आवद्ध गराउन पनि निकै कठिन भयो’, उहा“ले भन्नुभयो, ‘पछि बुझिसकेपछि सबैले मेरो साथ दिए, अहिले सबैको जीवन यापन सहज भएको छ ।’

चेलिवेटी सामुदायिक वन तथा देवीटार परिवार समूहकी अध्यक्षसमेत रहेकी छमीकुमारीले हेफरले उपहार स्वरुप दिएको बाख्राबाटै बाख्रापालन व्यवसाय सुरू गर्नुभएको हो । तीन वर्षअघिदेखि व्यवस्थित रुपमा बाख्रापालन सुरू गर्नु भएकी छमिकुमारीले अघिल्लो वर्ष खसि–बाख्रा बिक्रीबाट एक वर्षमा ८५ हजार रुपैयाँ आम्दानी गरेको जानकारी दिनुभयो ।

बाख्रा बिक्री गरेको आम्दानीले साढे पा“च कठ्ठा जग्गा खरिद गर्नुका साथै आफ्ना तीन छोरी र दुई नन्दलाई पढाउँदै आएको उहा“ले जानकारी दिनुभयो । महिला समूहमार्फत गाउँमा सरसफाइ, वातावरण संरक्षण र मदिरा नियन्त्रण अभियानसमेत सञ्चालन गरिएको उहा“ले जानकारी दिनुभयो ।

यसअघि सो पुरस्कारबाट गीतानगरकी पार्वती भट्टराई, रत्ननगरकी गंगा खनाल, भरतपुर–९ की सिता पौडेल, रत्ननगरको बेल्सीकी मीना चौधरी र भरतपुर–८ की ऋषिमाया पौडेल पुरस्कृत भइसक्नु भएको छ । 

www.nbihani.blogspot.com, www.echitwanpost.net

Views: 38

Comment

You need to be a member of MeroReport to add comments!

Join MeroReport

© 2017   Created by Equal Access for the Civil Society: Mutual Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service