मैले ब्लग लेख्छु भन्दा साथीहरुले कति पैसा कमाउँछस र, किन लेख्ने भन्छन्-प्रकृति खड्का

ट्विटरमा रहेको उनको बायोमा लेखिएको छ '-फोटोग्राफी, साहित्य, संगीत, चित्रकला, उपन्यास र प्रेमसंग प्रेम भएको मान्छे; डाक्टरी पढ्दैछु। ' ट्विटरबाटै आफ्नो स्वभाव समेत झल्काउँदै उनी भन्छिन्-'*पुरानो नेपालको नेपाली* *No DM*' उनी अर्थात प्रकृति खड्का, सामाजिक संजालहरु ट्विटरजी+ मा निकै सक्रिय छिन भने ब्लगिङमा पनि उनको लगाव रहेको उनको ब्लग हेर्दा प्रष्ट देख्न सकिन्छ । फेसबुकमा समेत रहेकी उनले आफ्नो फेसबुक आईडी भने हामीसंग खुलाउन चाहिनन् । आफ्नो बारेमा अलिकति बताईदिनुस् न भन्दा उनले यत्ति भनिन्- 'म प्रकृति खड्का । बिराटनगरमा मेडिकल पढिराछु तेस्रो वर्षमा । खास घर भैरहवा हो तर हाल बसाई काठमाडौंमा छ ।' मेरोरिपोर्टको साप्ताहिक स्तम्भ साताका ब्लगरमा हामीले यसपाली उनै प्रकृति खड्कालाई प्रस्तुत गरेका छौँ । प्रस्तुत छ उनीसंगको कुराकानी :  

प्रकृति खडकालाई अरुले कसरी चिन्ने?
अहिले म चिकित्साशास्त्रकी विद्यार्थी हुँ । पहिचान बनाउन सकेको छैन ।

सोसल मिडियामा आफूलाई कसरी चिनाउन चाहनुहुन्छ, एउटा ब्लगरका रुपमा या अरु केही?

मलाई कसैले ब्लगर भनेर चिने म धेरै खुशी नै हुन्थेँ ।

तपाँइको ब्लग http://mirrorandecho.blogspot.com/ मात्रै कि यस बाहेक अरु पनि छन्?

यही मात्रै हो ।

आफ्नो ब्लगमा कस्ता कुराहरु राख्न बढी रुचाउनुहुन्छ?

म आफ्नो ब्लगमा आफ्नो जीवनमा, आफु वरपर भएको घटनाहरुलाई समेटेर लेख्नेगर्छु । आफुले गरेको चित्रकला, मैले पाएको पत्र, सबथोक पोष्ट गर्छु । प्राय: लेख्ने बेलामा चाहीँ सामाजिक वस्तुलाई नै लिएर लेख लेख्छु ।

ब्लगिङ गर्न कहिलेलेखि थाल्नुभयो ?

सन् २०१२ मा स्कुल पास भएर भारतको हिसारबाट नेपाल आएँ । स्कुल धेरै कडा थियो र इन्टरनेटको सुविधा थिएन । त्यती बेला अर्कै ब्लग चलाउँथे, जुन केही कारणले गर्दा पछि रद्द गरेँ र फेरी अहिले यो http://mirrorandecho.blogspot.com/  ब्लग चलाउन थालेँ ।

लेख्ने मेरो रुची भएको हुनाले, घर आउनासाथ खाली समयमा लेख्न थालेँ । मनमा जे आउँथ्यो त्यही लेख्ने गरेँ । बिशेष गरी समाजमा भएको कुराहरु धेरै लेख्थेँ । मेरो पहिलो लेख चाँही स्कुले बालबालिकाहरुले कलम भन्दा धेरै चुरोट समाएको बिषयमा थियो ।

केका लागि ब्लगिङ गर्नुहुन्छ?

ब्लग म आफ्नो निम्ती लेख्छु । मेरो जीवनमा भएको वास्तविक घटनाहरु अरुले पढे र त्यस्का बारेमा मसँग गफ गरे खुशी नै लाग्छ । साथै केहि मनमा खेलिरहेका कुराहरु ब्लगमा लेखेपछि आफुलाई हल्का महशुस हुन्छ ।

मानिसहरु ब्लगिङ गर्न रहर त धेरै नै गर्छन, तर निरन्तर ब्लग गरिरहन या ब्लगलाइ समय दिन त गाह्रो छनि है !

आफ्नो निम्ती ब्लग लेखेको छु । निरन्तरता दिन जरुरी सम्झिन्न । समय पनि हुन्न । पेशा नै त्यही, खेती नि त्यही भए अर्कै कुरा तर त्यो त म मेरो खाली समयमा गर्छु । त्यस्को लागि बेग्लै समय निकाल्ने गरेको चाहीँ छैन अहिलेसम्म ।

ब्लगिङ बाहेक तपाँइको अर्को रुचीको बिषय चाँही के हो ?

उपन्यास पढ्न अत्ति मन पर्छ तर समय छैन । अनि चित्रकला पनि मेरो रुचिको बिषय हो ।

मोफसलबाट ब्लगिङ गर्न कत्तिको सजिलो छ? तपाँई पनि अहिले अध्ययनका लागि बिराटनगरमा हुनुहुन्छ ।

मलाई त खासै फरक लाग्दैन । ब्लग त जता र जहाँबाट पनि लेख्ने नै हो । अरुको लागि कस्तो छ भन्न सक्दिन ।

तपाई सोसल मिडियामा पनि हुनुहुन्छ । नेपालमा सोसल मिडियाको प्रयोग कस्तो भइरहेको पाउनुभएको छ?

खै, म त राम्रै मात्रै देख्छु । जे होस समाचार हेर्न वा सुन्न पर्दैन । अहिले वर्ल्डकप चल्दैछ, अस्ती टेरिया भन्ने नानीले डान्स कम्पिटिसन जितिन् यी सब थोक टिभी नहेरी उत्तिखेरै थाहा हुन्छ, ट्विटर या फेसबुक मार्फत । ब्लगहरुले पनि राम्रो ज्ञान दिन्छन, जीवन बारे, यताउति देशविदेशका घटना तथा विकास बारे सुचना आदानप्रदान गर्न राम्रै प्रयोग भएको देख्छु ।

अनि नेपाली ब्लगिङको प्रयोगलाइ कसरी हेरिरहनुभएको छ सदुपयोग या दुरुपयोग?

सदुपयोग ।

अरुका ब्लग कत्तिको पढ्नुहुन्छ?

लिकं भेटे पढ्छु । gaffadi, Nepaliketi, lexlimbu चाँही नियमित पढ्छु ।

ब्लगिङ वा ब्लगरका लागी आचारसंहिताको आवश्यकताको कुरापनि उठिरहेको हुन्छ, तपाईंलाई के लाग्छ, जरुरी छ ब्लगरका लागी आचारसंहिता?

कस्तो खालको ब्लग हो त्यसमा भर पर्छ । आचारहिनता त कतै पनि राम्रो हुदैंन नि ! कसैलाई अपमान गरेर या झुठो कुरो लेख्नु हुँदैन ।

अरुका ब्लगहरु हेर्दा आचारसंहिता कत्तिको पालना भएको पाउनुभएको छ ?

पालना गरेकै देख्छु । ब्यंग्यात्मक ढंगले हँसाउन त जे लेखे पनि ठिकै हो ।

ब्लग लेखन वा ब्लगमा समेटिएका सामग्रीसँग जोडिएका कुनै रमाइला घटना वा प्रसंग भए बताइ दिनहोस न ।

मैले ब्लग लेख्छु भन्दा साथीभाईहरुले कती पैसा कमाउँछस र? किन लेख्छेस र? भन्छन । मलाई हाँसो लाग्छ ।

तपाइ सोसल मिडियामा पनि सक्रिय हुनुहुन्छ, हामीकहाँ प्रयोगमा आइरहेका सोसल मिडियाका थलोहरु ब्लग, ट्वीटर र फेसबुकमा के फरक पाउनुभयो ?

सबैमा भिन्नता छ । फेसबुकमा पारिवारि सदस्य र मित्र धेरै छन्, ट्विटरमा मन मिल्ने मान्छेहरु छन्, धेरै बोल्न रुचाउनेहरुले ट्विटिने गर्छन झै मलाइ लाग्छ । ब्लग चाँही लेख्न, पढ्न रुचाउनेहरुलाई हो । फेरी ब्लग त फेशन हो, खाना पकाउने देखी घुमघाम सबको ब्लग हुन्छ । मलाई लाग्छ आफुलाई जे दुनियासँग बाँड्न मन छ भने ब्लग गरिन्छ ।

नेपाली ब्लगहरु सामाजिक हितमा लेखिएका कत्तिको पाउनुभएको छ?

खासै थाहा छैन ।

ब्लगिङला केहीले नागरिक पत्रकारिता पनि भन्ने गरेको पाइन्छ, के ब्लगिङ नागरिक पत्रकारिता नै हो त?

अघि भने जस्तै ब्लग भनेको आफ्नो कुरो शेयर गर्ने माध्यम हो । अब फेशन, घुमघाम, पकवान सबै थोक हुन्छ । कुनलाई पत्रकारिता भनुम, कुनलाई के भनुम ! ब्लग-ब्लगमा भर पर्छ ।

अन्त्यमा,

धन्यवाद । अनि तपाईंको टीम लाई अल द बेस्ट भन्न चाहन्छु ।

Comment

You need to be a member of MeroReport to add comments!

Join MeroReport

Comment by Dr. Surya B. Parajuli on July 10, 2014 at 2:24pm

Dear Blogger,

Nice blog, keep it up. Being a medical student, it is good for the future, I guess!!!

Regards,

www.drsathi.blogspot.com

Comment by Udaya GM on June 26, 2014 at 2:11pm

Badhai chha Prakriti lai

Comment by Prakash Lamichhane on June 25, 2014 at 1:08pm

Congratulations !!!! 

Comment by Amuna Chapagain on June 25, 2014 at 12:14pm

Congratulations !!!

© 2017   Created by Equal Access for the Civil Society: Media Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service