Blogger of this week: Sabin Singh

कपिलवस्तुका सबिन सिंह हाल भक्तपुरमा बस्छन् । उनले रसायनशास्त्रमा स्नातक गरेका छन । उनले वि सं २०६२ देखि जिल्ला निर्वाचन कार्यालय, धादिङबाट निजामती सेवा प्रारम्भ गरेका सबिन संविधानसभा निर्वाचनपश्चात राजधानी मै रहेका छन । संगीत सुन्न, गजल लेख्न र फोटोग्राफी गर्न रुचाउने सबिन यस साताको ब्लगर बन्न सफल भएका छन । 

सर्वप्रथम मेरिरिपोर्टको साताको ब्लगर बन्नु भएकोमा यहाँलाई बधाइ साताको ब्लगर हुनुभएकोमा यहाँलाई कस्तो अनुभव भइरहेको ?  

ब्लगरको रूपमा पहिचान गरेकोमा धन्यवाद छ मेरोरिपोर्टलाइ । एउटा रहरको रूपमा ब्लगिङ्ग शुरू गरिएको थियो अब भने लेखनप्रति जिम्मेवारी बढेको महसुस भएको छ ।

अब तपाईंको ब्लगिङको इतिहासको कुरा गरौँ तपाईंले कहिले देखि ब्लगिङ सुरु गर्नु भयो ?   

मेरो साहित्य लेखनमा रूची बढेको सन् २००९ तिर हो । मेरो ब्लगिङ्ग शुरू भएको पनि त्यही ताका हो ।

तपाईंलाई किन ब्लगिङ गर्न मन लाग्छ  

ब्लग एउटा यस्तो मञ्च हो जहाँबाट मनका कुरा ढुक्क भइ खुलेर गर्न पाइन्छ । व्यस्त र यान्त्रिक हुँदै गएको वर्तमान समाजमा एकआपसमा विचार, भावना विनिमय गर्न, भेटघाट, जमघट गर्न समय निकाल्न गाह्रो छ । ब्लगमार्फत आफ्ना भावना र विचार सबैसँग बाँड्न पाइन्छ र कहिले त यो छलफल र बहसको थलो पनि बन्दछ । यही कारण हाल ब्लग मेरो प्रिय थलो भएको छ ।

तपाईंको ब्लगमा के कस्ता बिषयबस्तु समावेश हुन्छन  

ब्लग सुरु गर्दा आफ्नो साहित्य सिर्जना मात्र बाँडिन्थ्यो । धेरै समयसम्म मैले ब्लगमा आफूद्वारा रचिएका गजल, कविता र गीत मात्र बाँडे । हालै मात्र लेख र कथाहरू लेख्न शुरू गरेको छु । दैनिकीमा घटेका विभिन्न घटनालाइ अलिकति काल्पनिकता मिसाएर रमाइलो बनाएर लेख तथा कथाको रूपमा ब्लगमा समावेश गरेको छु । गजल, गीत कविता विधाका साहित्य सिर्जना, सत्य घटनामा आधारित कथाहरू नै मेरो ब्लगको प्रमुख विषयवस्तु हो । अब चाँडै नै आफ्नो फोटोग्राफीलाइ पनि ब्लगमा समावेश गर्ने सोच बनाएको छु ।

आफ्नो ब्लगको नाम एकतारे राख्नु भएको छ ? यसको कारण के होला ?

एकतारे मेरो साहित्यिक उपनाम हो । एकतारे एउटा मात्र तारले बनेको बाजा हो । एक्लो भएर पनि सुमधुर संगीत दिन सक्ने यो बाजाले समग्रमा म र मेरो विचारलाइ प्रस्तुत गरेको छ । तसर्थ ब्लगको नाम पनि एकतारे नै जुराएको हो ।

तपाईंको ब्लगमा के के समावेश भएका छन ? आफ्नो ब्लगको बारेमा बिस्तृत रुपमा बताइदिनुस ? 

ब्लग सामान्य टेम्पलेटमा आधारित छ । वेवडिजाइनको ज्ञान धेरै नभएकोले ब्लगरद्वारा उपलब्ध Feature नै प्रयोग गरेको छु । ब्लगपोस्ट विषयवस्तु अनुसार हेर्न मिल्ने, खोज्न मिल्ने र धेरै पढिएको पोस्टहरू सजिलै पढ्न मिल्ने छन् । मैले रूचाएका र बारम्बार पढिरहने ब्लगको लिंकहरू पनि समावेश गरेको छु । अनावश्यक फोहोर नदेखियोस् भन्नेमा ध्यान पुर्याउँछु । साथै टिप्पणी र अन्य सामाजिक सञ्जालमा सजिलै बाँड्न सकिन्छ मेरो ब्लगपोस्टहरू । हालैमात्र एउटा चलचित्रको Preview लेखेपछि अश्लिल र आपत्तिजनक टिप्पणीहरू आएपछि टिप्पणीहरू Moderation गरेर मात्र पोस्ट गर्ने गरेको छु ।

पछील्लो पटक कुन बिषयमा के लेख लेख्नुभयो ? के कुराले लेख्न अभिप्रेरित गर्यो ? 

मेरो पछिल्लो पोस्ट "फ्रस्टेसन" शीर्षकमा थियो । एउटा क्याफेमा एकजना वरिष्ठ गायक भेट हुनुभएको थियो । विद्यमान सांगितिक बजारप्रति वहाँको आवेग सुन्न पाइयो । त्यही घटनामा आधारित भएर सो पोस्ट लेखिएको थियो ।

तपाईंको ब्लगको ट्राफिक कस्तो ब्लगमा पाठकहरुबाट कस्तो प्रतिकिया पाई रहनु भएको ? 

शुरूवाती अवस्थामा गजलमात्र पोस्ट हुने र साथीहरूलाइ ब्लग लेख्छु भन्ने पनि थाहा नभएको अवस्थामा ट्राफिक एकदम कम थियो । हाल आएर आफ्नो ब्लगबारे साथीहरूलाइ जानकारी दिन थालेको छु । अन्य सामाजिक सञ्जालमार्फत पनि ब्लगपोस्टका बारेमा जानकारी दिन्छु । यसले ट्राफिक बढाएको छ । केही अघि एउटा चलचित्रको Preview लेखेपछि सो ब्लगपोस्टको चर्चा धेरै व्यक्तिमाझ चल्यो । हाल नियमित रूपमा पोस्टहरू आउने कारणले पनि होला उल्लेख्य रूपमा पाठक बढेका छन् । प्रत्यक्ष टिप्पणी, इमेल र सामाजिक सञ्जाल मार्फत पनि पाठकहरूले सकारात्मक/नकारात्मक प्रतिक्रिया दिने गरेका छन् ।

तपाईंलाई के लाग्छ ब्लगिङले समाजमा केह प्रभाव पार्न सक्छ सक्छ भने कसरी

अहिले मान्छेसँग समय छैन । भेटघाट जमघट मार्फत विचार विनिमय गर्ने चलन हराउँदैछ । यो सन्दर्भमा ब्लगिङ्गमार्फत विचार साटासाट हुने हुँदा यसले मान्छे सामाजिक प्राणी हुनुको सार्थकता कायम राखेको छ । साथै ब्लगिङमार्फत स्वतन्त्र विचार सम्प्रेषण गर्न अझ सजिलो भएको हुँदा यसले पक्कै पनि अभिव्यक्ती स्वतन्त्रताको वकालत गर्छ । समग्रमा समाजको विकासमा ब्लगिङ्गले सकारात्मक प्रभाव पार्नेमा दुइमत नहोला ।

अहिले नेपालमा पनि ब्लगिङको ट्रेन्ड बढीरहेको छ ? यसलाई कसरी हेरिरहनु भएको छ

पक्कै पनि ब्लगिङ्ग प्रवृत्ति बढ्नुमा इन्टरनेटको पहुँच जताततै पुग्नु हो । मेरो समकालिन साथीहरू निजामती सेवाको क्रममा देशका विभिन्न दुर्गम ठाउँमा हुनुहुन्छ । त्यहाँको जिवनशैली, अनुभव ब्लगमार्फत गर्नुहुन्छ र मैले त्यो अनभुवहरू अनुभूती गर्न पाएको छु । सूचना, जानकारी, अनुभव, अनुभूती, विचार आदीको विनिमयका लागि ब्लग एउटा उत्तम माध्यम हो र धेरैले यो बुझ्दै गएका छन् । म आफै पनि विभिन्न सामाजिक सञ्जाल डुल्दा डुल्दै ब्लगिङमा पुगेको छु र यसमा रमाइरहेको छु ।

नेपाली ब्लग क्षेत्रलाइ कसरी नियाल्नुभएको ? तपाईंको बिचारमा नेपालमा ब्लग क्षेत्रको भविष्य कस्तो

नेपाली ब्लग क्षेत्र उज्जवल छ । विचारको आदानप्रदान मात्र हैन, प्राविधिक क्षेत्रसँग सम्बन्धित ब्लगहरू पनि आएका छन् । विभिन्न क्षेत्रसँग सम्बन्धित सूचना, जानकारी र ज्ञान बाँड्ने चौतारोको रूपमा समेत ब्लग विकास हुँदै गएमा यसले पक्कै पनि सकारात्मक प्रभाव पार्नेछ

ब्लग भनेको आफ्नो धारणा र अभिव्यक्ती स्वतन्त्र व्यक्त गर्न ठाउँ हो। हामीकहाँ केही युवा ब्लगरहरूले ब्लगिङ्लाइ ब्यवस्थित र मर्यादित बनाउन आचारसंहिता पनि बनाएका छन, तपाइलाइ के लाग्छ, ब्लगिङमा आचारसंहिताको जरुरी छ? 

आचारसंहिता बन्नु एकदम राम्रो कुरा हो र यो पक्कै पनि जरूरी छ । अनुशासन हरेक क्षेत्रमा चाहिन्छ । आचारसंहिता बनेपछि ब्लगर स्वंय नियन्त्रित भएमा यस क्षेत्रमा देखिएका वा देखिन सक्ने विकृतिबाट टाढै बस्न सक्नेछन् । मनको वहमा बग्दै जाँदा अनियन्त्रित भइ अमर्यादित रूपमा अरूलाइ नकारात्मक प्रभाव पर्ने गरी लेखिन सक्छ, आचारसंहिता भएपछि पक्कै पनि यो रोकिनेछ ।

नागरिक पत्रकारितालाई प्रवर्धन गर्नको लागि  मेरोरिपोर्ट सुरु भएको छ । मेरोरिपोर्टको बारेमा तपाईंको के धारणा छ

मेरोरिपोर्ट संभवत नागरिक पत्रकारितालाइ प्रवर्द्धन गर्ने शायद पहिलो प्रयास हो । अझै पनि नेपालीहरू लोकतन्त्रको अभ्यासमै छन् । अभिव्यक्ति स्वतन्त्रता प्रोत्साहन गर्ने यो प्रयास सह्रानिय छ । यसले पक्कै पनि सकारात्मक परिवर्तन तिर समाजलाइ डोर्याउने छ ।

अन्त्यमा मेरो रिपोर्टलाइ के सुझाव दिन चाहनुहुन्छ ?  

मेरोरिपोर्टको प्रयासहरूलाइ मेरो धन्यवाद र आउँदो दिनको प्रगतिका लागि शुभकामना । मेरो तर्फबाट हुनसक्ने योगदानका लागि कन्जुस्याइ गर्ने छैन । इन्टरनेट सेवा सबै नेपाली नागरिकको पहुँचमा छैन, मेरोरिपोर्टको प्रयासलाइ इन्टरनेटभन्दा बाहिर पनि लाने हो कि ?

सबिनको ब्लग लिन्क :  http://ektaare.blogspot.com/


नोट: के तपाइं पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । वा आफ्नो ब्लगको विवरण cj@meroreport.netमा इमेल गरेर पठाउन सक्नुहुन्छ । तपाइंको ब्लग हेरेर हामीले निर्णय गर्नेछौं ।

मेरोरिपोर्टमा हालसम्म फिचर हुन सफल साताका ब्लगरहरु:
सागर शर्मा
रमेश खत्री
अस्मिता पौडेल
जनकराज भट्ट
भोजराज दाहाल
यादव हुमागाइ
गीता चौधरी
Sabin Gnawali
Kishor Sharma
Raman Paneru
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by sabinsingh on March 14, 2012 at 11:11pm

Thanks :D

Comment by एसवी गौतम on March 11, 2012 at 12:27pm

Congratulation sabin ji.

Comment by sabinsingh on March 10, 2012 at 11:09pm

धन्यवाद मेरोरिपोर्ट तथा सम्पूर्ण सहृदयी मित्रहरूलाइ :)

Comment by ramesh khatri on March 8, 2012 at 7:22pm

congratulation ...

Comment by Pagal Basti on March 8, 2012 at 4:29pm

बधाइ है हाम्रो पनि

Comment by Ajeeta Sigdel on March 8, 2012 at 4:17pm

Congratulations !!

Comment by Amuna Chapagain on March 8, 2012 at 3:13pm

badhai 6 sabin ji 

Comment by Indra Dhoj Kshetri on March 8, 2012 at 3:08pm

Congratulations Sabinji. Look forward to reading more.

Comment by Equal Access on March 8, 2012 at 2:49pm

Congratulation Sabin Ji!!

© 2017   Created by Equal Access for the Civil Society: Media Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service