Blogger of this week: Kishor Sharma

मेरोरिपोर्टमा ब्लगरहरुको येगदानलाइ कदर गर्ने क्रममा यो पटक फोटोब्लगर किशोर शर्मा साताको ब्लगर बन्न सफल हुनुभएको छ । आमसञ्चार र पत्रकारितामा स्नातकोत्तर फोटो पत्रकार शर्मालाई सामाजिक बिषयहरुमा बिशेष रुची छ । उनले ड्रीक ईन्डिया, कल्कत्तामा नर्वेजियन पीस कोरको सहभागी भएर २००९ मा फोटोग्राफिसम्बन्धी १० महिना काम पनि गरेका थिए । उनको फोटोब्लग एकदमै लोकप्रिय पनि छ: सन् २०११ मा मात्रै उनको ब्लग ११ हजारभन्दा बढीपटक हेरिएको छ।उनले थुप्रै राष्ट्रिय तथा अन्तराष्ट्रिय फोटोग्राफी कार्यशालामा भाग लिएका  छन । उनलाई भर्खरै मात्र डेनमार्कको आर्हुसमा रहेको डेनिश स्कुल अफ मिडिया एन्ड जर्नलिज्ममा फोटो सर्कलले आयोजना गरेको ट्रेनर्स ट्रेनिङमा पनि सहभागी हुन निम्तो आएको छ ।  हाल उनी फोटो सर्कल (www.photocircle.com.np) मा कार्यरत छन ।उनीसँग ब्लगिङ्को वरिपरि रहेर गरिएको छोटो कुराकानी तल प्रस्तुत गरिएको छ:

तपाईं कसरी ब्लगिङमा आकर्षित हुनुभयो ? 

मैले २००९ जनवरीदेखी ब्लगिङ गर्न थालेको हुँ । मैले फोटो ब्लग को रुपमा आफ्नो ब्लगिङ करियर सुरु गरेँ । मैले ब्लगिङ सुरु गर्दा कलकत्ताको सडकको दिनहुँ जीवनको बारेमा श्यामस्वेत फोटोहरु पोस्ट गर्न थालेँ । मैले कहिल्यै व्यवसायिक रुपमा ब्लगिङ गर्छु भन्ने सोचिन । मैले यसलाई आफ्नो व्यक्तिगत फोटोहरुको डाइरी को रुप मा प्रयोग गर्न थालेँ र अहिलेसम्म पनि यथावत नै छ । 

तपाईं कुन बिधामा ब्लगिङ गर्नु हुन्छ ?  

म फोटो ब्लगर हुँ , र फोटो ब्लगिङ गर्छु ।

तपाईंलाई किन ब्लगिङ गर्न मन लाग्छ ?   

मलाई ब्लगिङ गर्न एकदमै मन लाग्छ । आफ्नो फोटो पोस्ट गर्न  ब्लग एक्दमै महत्वपुर्ण प्ल्याटफर्म लाग्छ । यो आफुलाई व्यक्तिगत रुपमा व्यक्त गर्ने सशक्त माध्यम हो । 

ब्लगिङमा कत्तिको समय दिनुहुन्छ ?  

मैले ब्लगिङ गर्ने निश्चित समय छैन । म अरु काममा व्यस्त भएकोले  अहिले यो कम हुँदै गइरहेको छ । तर म केहि फोटो खिच्ने बित्तिकै आफ्नो ब्लगमा पोस्ट गर्छु ताकि मेरो साथीहरुले हेर्न सकुन् ।

आफ्नो ब्लगमा के कस्ता बिषयबस्तु समाबेश गर्नुहुन्छ ? 

हाम्रो वरिपरि हुने कुराहरु जुन हामीले याद गरेका हुँदैनौ । त्यस्तो बिषयबस्तुलाई कवितात्मक रुपमा फोटो खिचेर आफ्नो ब्लगमा पोस्ट गर्ने गर्दछु । म अर्को ब्लग पनि चलाउछुँ  http://drisheek.wordpress.com जहाँ म बिभिन्न फोटोहरु पोस्ट गर्दछु ।  

नेपाली ब्लग क्षेत्रलाइ कसरी नियाल्नुभएको छ? 

नेपाली ब्लगर्सले निक्कै राम्रो गरीरहेका छन । मेरा धेरै साथीहरुलाई मैले  ब्लगको माध्यमबाट नै चिनेको हुँ । तर मलाई मानिसहरुले ब्लगमा राजनैतिक पुर्वाग्रह र विवाद गरेको  मन पर्दैन । यसमा
ब्लगरको अनुमती नलिएर, उनीहरुको नाम उल्लेख नगरी लेख रचना, फोटो, भिडियोहरु  चोरी गरेको मन पर्दैन ।

तपाईंको ब्लगको ट्राफिक कस्तो छ र ब्लगमा पाठकहरुबाट कस्तो प्रतिकिया पाईरहनु भएको छ ?

मेरो ब्लग अहिले सम्म २४,००० चोटी हेरिएको छ ।  अहिले मैले निकै थोरै फोटो पोस्ट गरे पनि दिनहुँ जसो २० देखी ३० भिजिटर हुने गर्दछन् । बिषेशगरी मैले नयाँ फोटो पोस्ट गर्ने बित्तिकै १५० भिजिटरसम्म पुग्ने गर्दछ ।   गुगलबाट, मेरो साथीहरुको लिन्कबाट, र सोसिअल नेटवोर्किङ साइटबाट मैले भिजिटर पाउने गर्दछु । मैले कुनै  फोटो पोस्ट गर्ने बित्तिकै मेरो साथीहरुले हेर्ने र कमेन्ट गर्ने गर्दछन । 

तपाईसँग ब्लगिङ गर्दाको कुनै त्यस्तो कुनै रमाइलो वा सम्झनलायक अनुभव छ ?

अँ, केहि त्यस्तो रमाइलो अनुभवहरु छन । मैले ब्लगिङ गर्दा धेरै साथी बनाएँ र अझ महत्वपुर्ण कुरा मैले मेरो एकदमै मिल्ने र राम्रो साथी पनि ब्लगबाट नै पाएँ । आफ्नो ब्लग पोस्ट प्रवर्धन गर्न विश्वको बिभिन्न ठाउँ मानिसहरुले मेरो फोटो प्रयोग गर्न अनुमती माग्दा मलाई अचम्म लाग्छ ।

हामीकहाँ केही युवा ब्लगरहरूले ब्लगिङ्लाइ ब्यवस्थित र मर्यादित बनाउन आचारसंहिता पनि बनाएका  छन्, तपाइलाइ के लाग्छ, ब्लगिङमा आचारसंहिताको जरुरी छ? 

ब्लगिङले आफ्नो स्थानलाई संचारको शाक्तिशाली माध्यमको रुपमा प्रयोग गरिरहेको कुरामा कुनै दुइ मत छैन । मुलधारको मिडिया होस् वा ब्यक्तिगत ब्लग, नैतिकता भन्ने कुरा जहाँपनी आवश्यक छ, तर यो पनि हामी बस्ने समाजमा भरपर्छ । मेरो लागि नैतिकता भन्ने कुरा एउटा ब्यक्तीको बुझाइको स्तरमा भर पर्छ । ब्लग भनेको ब्यक्तिगत धारणा साटासाट गर्ने माध्यम भएको हुनाले यसमा कुनै नियम राख्नु हुँदैन, त्यही पनि हामी आफैंले निश्चित निर्देशिका पालना गर्नुपर्छ ।

नेपालमा  नागरिक पत्रकारिता प्रवर्धन गर्न सामाजिक संजालका रूपमा मेरोरिपोर्ट meroreport.net सुरू भएको छ। मेरोरिपोर्टको बारेमा तपाईंको के धारणा छ ? 
म पनि मेरोरिपोर्टको एउटा सदस्य हूँ र म यसको शुभारम्भ कार्यक्रममा पनि सहभागी भएको थिएँ । दुर्भाग्य, मैले अहिलेसम्म यसमा केहि योगदान गर्न सकेको छैन ।

मेरोरिपोर्टलाइ के सुझाव दिन चाहनुहुन्छ ?
मेरोरिपोर्टले विभिन्न क्षेत्रका ब्लगरहरुलाई एउटै थलोमा ल्याएर आफ्नो विचार, सूचना र सृजना साटासाट गर्न धेरै योगदान पुराएको छ । म मेरोरिपोर्टमा भविष्यमा पक्कै कुनै योगदान गर्नेछु भन्दै यसको अझै सफलताको लागि कामना गर्दछु ।

तपाईंको ब्लग लिन्क : 

नोट: के तपाइं पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । तपाइंको ब्लग हेरेर हामीले निर्णय गर्नेछौं ।

मेरोरिपोर्टमा हालसम्म फिचर हुन सफल साताका ब्लगरहरुबारे पढ्न यहाँ क्लिक गर्नुस् ।
Raman Paneru
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by Aakar Anil on January 6, 2012 at 12:16pm

Congratulations!

Comment by Jiwan Kshetry on January 5, 2012 at 4:03pm

Viewed your photo blog. Wonderful!

Comment by Kranti Darai on January 5, 2012 at 3:43pm

Congratulations :)

Comment by Ajeeta Sigdel on January 5, 2012 at 12:30pm

Congratulations !! 

Comment by Indra Dhoj Kshetri on January 5, 2012 at 12:27pm

Congratulations Kishorji. You are indeed doing very well in photo blogging.

© 2017   Created by Equal Access for the Civil Society: Media Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service