पेशाले डाक्टर भए पनि लेख्न रुचाउने जीवन छेत्री इन्स्टिच्युट अफ मेडिसिनमा स्नातककोत्तरको विद्यार्थी हुन । उनी पढ्न, घुम्न र भलिबल खेल्न रुचाउँछन । व्यस्त डाक्टरी पेशा र अध्ययनबाट समय बचाएर पनि उनी ब्लग लेख्दछन् । उनले मेरो रिपोर्टमा पनि नियमित रुपमा लेख्दै आएका छन् ।

ब्लग लेख्न कहिलेदेखि शुरू गर्नुभयो ?

सन २००८ देखी मैले ब्लग लेख्न थालेँ । जुलाई ३१ मा मैले मेरो पहिलो लेख ब्लगमा पोस्ट गरेँ ।

के का लागि ब्लग लेख्नुहुन्छ ?

म भित्रबाट लेख्न अभिप्रेरित भए पछी लेख्छु । मैले लेखेका शब्दहरुले मलाई खुशी र दुखको भावना व्यक्त गर्न मद्दत गर्दछ ।

खासगरी ब्लगमा कस्ता कुराहरू लेख्नु रुचाउनुहुन्छ ?

म महत्वपुर्ण भएर पनि ध्यान नपुगेका बिष्यबस्तुहरुमा लेख्न रुचाउँछु ।

नेपाली ब्लग क्षेत्रलाइ कसरी नियाल्नुभएको छ?

नेपालमा ब्लगिङ को भविष्य एकदमै राम्रो छ र इन्टर्नेटको पहुँचसँगै ब्लगिङ बड्दै जाने छ ।

तपाईसँग ब्लग लेख्दाको त्यस्तो कुनै रमाइलो वा सम्झनलायक अनुभव छ भने बताइदिनुस न ?

ब्लग लेख्दाको रमाइलो अनुभवमा एक चोटी मेरो ब्लग को कथालाई पाकिस्तानबाट नचिनेको पाठकले प्रशंसा गरेको थियो ।

तपाइलाइ पनि थाहा होला, यतिबेला हामीकहाँ केही युवा ब्लगरहरूले ब्लगिङ्लाइ ब्यवस्थित र मर्यादित बनाउन आचारसंहिता पनि बनाएका छन, तपाइलाइ के लाग्छ, के यो जरूरी छ ?

आचारसंहिता राम्रो कुरा हो तर लेखक आफैँले पनि उपयुक्त र सही कुराको मुल्यांकन गर्न सक्नु पर्छ ।

तपाइले निरन्तर रुपमा मेरोरिपोर्टमा लेखिरहनुभएको छ । तपाईंलाई किन मेरोरिपोर्टमा लेख्न मन लाग्छ ?

व्यक्तिगत ब्लगको तुलनामा मेरोरिपोर्ट एउटा महत्वपुर्ण प्लाट्फर्म हो जसमा धेरै सदस्यहरु छन ।

नेपालमा नागिरक पत्रकारिता प्रवर्धन गर्न र सामाजिक संजालका रूपमा मेरोरिपोर्ट सुरू भएको छ। मेरो रिपोर्टलाइ केही भन्न चाहनुहुन्छ ?

भविष्यमा मेरोरिपोर्ट पनि  www.commondreams.org  जस्तै ठुलो अन्लाईन साइट बनोस ।

जीवन छेत्रीको ब्लगलिँक :

www.jiwankshetri.blogspot.com,

www.jiwanlit.blogspot.com,

www.jiwanpoems.blogspot.com,

www.jiwansixa.blogspot.com
www.fictionworldofjiwan.blogspot.com