मेरो लागि ब्लगिङ एउटा स्व-अध्ययनको सुत्र बनेको छ : अनन्दिता गुरुङ

यसैवर्षको अन्त्यतिर काठमाडौं विश्वविद्यालयबाट विज्ञान विषयमा स्नातकोत्तर गर्ने तयारीमा रहेकी उनी अर्थात अनन्दिता गुरुङ बगैंचामा रुमल्लिन, नयाँ-नयाँ ठाँउ घुम्न तथा विभिन्न विषयका किताब पढ्न असाध्यै मन पराउँछिन यसका अलावा आन्नदिता सोसल मिडिया र ब्लग लेखनमा पनि उत्तिकै सक्रिय छिन । मेरोरिपोर्टको साप्ताहिक स्तम्भ साताका ब्लगरमा आज हामीले उनै अनन्दिता गुरुङलाई प्रस्तुत गरेका छौ । प्रस्तुत छ उनीसँगको कुराकानी :

अनन्दिता गुरुङलाई के भनेर चिन्ने बताइदिनुस न । 

मेरो ब्लग पढ्ने पाठकहरुलाई त थाहा नै होला म एकदम सामान्य केटी हुँ र किताब पढ्न, बगैचामा काम गर्न र ब्लग लेख्न रुचाउँछु ।

ब्लगिङ गर्न कहिलेलेखि थाल्नुभयो ?

यो कार्तिकमा १ वर्ष ५ महिना हुन्छ ।

केका लागि ब्लगिङ गर्नुहुन्छ ? ब्लगिङ गर्न कस्ता कस्ता चुनौतीहरु छन्?

लेखन मेरो सौख हो । यहि सौख पुरा गर्न र आफ्नो कुरा राख्न ब्लगिङ गर्छु । तपाईमा इच्छा छ भने यो कुरा सजिलो छ । ब्लगिङलाई निरन्तरता दिने बाहेक खासै केहि चुनौती देख्दिन ।

आफ्नो ब्लगमा के कुराहरु राख्न बढी रुचाउनुहुन्छ ?

मेरो ब्लग तपाईहरुले बढी जसो मैले भोगेका कुरा पाउनुहुन्छ । मलाई प्राय: आफुलाई उत्प्रेरित गर्ने कुराहरु उल्लेख गर्न मन लाग्छ । स-साना कुराहरुमा म गहिराई देख्छु र त्यो कुराबाट आफुले सिकेका पाठ अरुसँग बाड्ने प्रयत्न गर्छु । अनि यस्तै कुराहरु ब्लगमा हाल्न उपयुक्त ठान्छु । यसका साथसाथै निरन्तर किताब पढ्ने पाठकहरुसँग मासिक रुपमा 'किताब-वार्ता' नामक अन्तरवार्ता लिने गर्दछु ।

तपाँइले चलाउने ब्लग http://zappylily.blogspot.com/  मात्रै हो कि यस बाहेक अरु पनि छन् ?

मैले चलाउने यहि मात्र हो तर http://anotherverse.wordpress.com/ मा पनि कहिलेकाँहि योगदान गर्छु ।

तपाईको ब्लगको नाम 'मेलोडिज, मेमोरिज एण्ड मिस्टेक' कसरी राख्नुभयो ? बताईदिनुस न ।

पहिले नाम अर्कै थियो । पछि मेलोडिज, मेमोरिज एण्ड मिस्टेक राखें । म जे.के रोवल्ङिवाट प्रभावित छु । उनले पनि कुनै पात्रको नाम राख्दा एउटै अक्षरबाट सुरु गर्छिन् । मेरो ब्लगपोष्टहरु पनि त्यस्तै हुन्छन् । मेमोरिज अर्थात सम्झना, मेलोडि अर्थात सुर अनि मिस्टेक अर्थात भुल, यी सबैको समग्र रुप मेरो ब्लग भएको हुनाले यो नाम रोजेकी हुँ ।

अनि नेपाली ब्लगिङको प्रयोगलाइ कसरी हेरिरहनुभएको छ सदुपयोग या दुरुपयोग?

मैले ब्लगिङ शुरु गर्दा पहिले नेपाली ब्लगरहरुको ब्लग पढ्थें । निकै प्रतिभाशाली ब्लगरहरु छन् अहिलेसम्म दुरुपयोग भएको थाहा पाएको छैन ।

अरुका ब्लग कत्तिको पढ्नुहुन्छ?

अरुको ब्लग पढ्छु । सुचनामूलक भन्दा पनि भाषाको सहज प्रयोग भएको रमाइला दृष्टान्त तथा लघुकथा पढ्न रमाइलो लाग्छ साथै बागवानीसँग सम्बन्धित ब्लगहरु पनि हेर्छु ।

नेपाली ब्लगहरु सामाजिक हितमा लेखिएका कत्तिको पाउनुभएको छ? 

सामाजिक हित भन्दा पनि सामाजिक परिवेशमा लेखिएका ब्लग धेरै पढेको छु र नेपालमा सोसल मिडियाको राम्रो पकड छ जस्तो लाग्छ ।

ब्लगिङ वा ब्लगरका लागी आचारसंहिताको आवश्यकताको कुरापनि उठिरहेको हुन्छ । तपाईंलाई के लाग्छ, जरुरी छ ब्लगरका लागी आचारसंहिता ?

एकदम नै जरुरी छ । ब्लगिङको नाममा आफ्नो कक्षाको नोट राख्ने देखि लिएर अरुका कथाहरु सार्ने गरेको देखेकी छु । त्यसैले आचारसंहिता धेरै नै खाँचो छ । विशेष गरि भर्खरै सुरु गर्ने ब्लगरहरुका लागि आचारसंहिता आवश्यक छ ।

अरुका ब्लगहरु हेर्दा आचारसंहिता कत्तिको पालना भएको पाउनुभएको छ?

सोसल मिडियालाई सकेसम्म राम्रो कारणको लागि प्रयोग गर्नुपर्छ भन्ने मेरो धारणा हो । मन परेको ब्लगलाई लाईक र शेयर गरे पाठकहरु बढ्छन् र ब्लगरलाई प्रोत्साहन मिल्छ । मेरो वरिपरी भएका युवा साथीहरुले यसको सदुपयोग नै गर्नुभएको जस्तो लाग्छ तर धेरैलाई साहित्यिक चोरीका बारे थाहा नभएकाले यसको चेतना आवश्यक छ जस्तो लाग्छ ।

ब्लग लेखन वा ब्लगमा समेटिएका सामग्रीसँग जोडिएका कुनै रमाइला घटना वा प्रसंग भए बताइदिनुस न ।

रमाइला घटनाभन्दा पनि ब्लगिङ गरेर मेरा धेरै अवसरका बाटोहरु खोलेका छन् । ब्लगिङबाट मैले धेरै मान्छेहरु चिन्ने मौका पाएँ । आफुलाई कुन कुरामा लगाव छ देखि लिएर म भित्र आएको परिवर्तनलाई नियाल्ने मौका पाइरहेको छु । मेरो लागि ब्लगिङ एउटा स्व-अध्ययनको सुत्र बनेको छ ।

तपाई सोसल मिडियामा पनि सक्रिय हुनुहुन्छ, हामीकहाँ प्रयोगमा आइरहेका सोसलमिडियाका थलोहरु ब्लग, ट्वीटर र फेसबुकमा के फरक पाउनुभयो ?

ब्लग आफ्नो ठाँउ हो । यहाँ आफुलाई मन लागेको जे पनि गर्न मिल्छ । आफ्नो खुशी अभिव्यक्त गर्नुस वा मनको भावलाई सम्हाल्न कविता कोरेर पोष्ट गर्नुस्। यो तपाईको आफ्नो निजी ठाँउ हो । अनि फेसबुक चाहिँ ब्लगको प्रचार गर्न प्रयोग गर्छु । ट्वीटर रमाइलो छअनेकौं प्रकारका मान्छेहरु भेटिन्छनफेसबुकमा भन्दा ट्वीटरमा समालोचना अलि थोरै हुन्छ । जति ट्विट गरे पनि हुनेत्यसैले मलाई फेसबुक भन्दा ट्विटर मन पर्छ ।

ब्लगिङलाइ केहीले नागरिक पत्रकारिता पनि भन्ने गरेको पाइन्छ, के ब्लगिङ नागरिक पत्रकारिता नै हो त?

ब्लगिङ नागरिक पत्रकारिता हो जस्तो लाग्छ, कुनै देशका कुना काप्चाका खबर लिएर जनताको माझ पुर्‍याउने काम पत्रकारको मात्र नभएर आम जनताको कर्तब्य पनि हो ।

अन्त्यमा,

धन्यबाद । यहाँ एउटा प्रश्न छुटे जस्तो लाग्यो । ब्लगको लेआउटको भूमिका बारे, लेख जति राम्रो भए पनि ब्लगको लेआउट(अक्षरको रङ, पृष्ठमुमि, अक्षरको साइज)ले निकै भूमिका खेल्छ । यो नयाँ ब्लगरहरुले याद गर्नुहोला ।

Comment

You need to be a member of MeroReport to add comments!

Join MeroReport

Comment by Amuna Chapagain on November 5, 2014 at 5:27pm

 Congratulations Anandeeta jee !!

© 2017   Created by Equal Access for the Civil Society: Media Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service