साताको ब्लगर: मेघराज रसाइली

नौ वर्ष देखि  पत्रकारिता गरिरहेका मेघराज रसाइली हाल बिबिसी मिडिया एक्सनमा साझा सवाल कार्यक्रमका कार्यक्रम उत्पादक हुन । इटहरी, सुनसरीमा जन्मिएका  मेघराजले  २०६० सालदेखि सप्तकोशी एफएमबाट पत्रकारिता सुरु गरेका हुन् । त्यो भन्दा अगाडी फाट्टफुट्ट लेख्ने गरेको र २०६० देखि सकिय्र पत्रकारिता गरेको उनी बताउँछन । 

२०६२ मा मास कम्युनिकेसन एन्ड जर्नालिजममा स्नातककोत्तर अध्ययनको लागि  भनेर उनी काठमाडौं आए । काठमाडौंले आकर्षित गर्‍यो, साथै अवसर पनि दिएकोले हाल यही बसोबास गर्दै  आएको उनी बताउँछन् ।  उनी मुलधारको मिडियासँगसँगै ब्लगिङमा पनि उत्तिकै जमेका छन् र प्रस्तुत छ उनीसँग गरिएको कुराकानीः

तपाईंको दिनचर्या कसरी बित्छ ?

अफिसमा बस्दा रिसर्च गरेर, पत्रिका  पढेर  अनि सामाजिक सञ्जालमा आफ्नो विचार लेखेर । कार्यक्रम बनाउनको लागि  आजको एजेन्डा के रहेछ, के बिषयवस्तु रहेछ भनेर जान्नको लागि  पनि सोसल मिडिया हेर्ने गर्दछु । घरमा हुँदा टिभी हेर्ने, रेडियो सुन्ने, पत्रपत्रिका पढ्ने र किताब पढ्न मन लाग्छ । बेला-बेलामा लेख्छु ।

मुल धारकै पत्रकारितामा जमिरहनुभएको मानिस कसरी ब्लगिङमा आकर्षित हुनुभयो ?

 पत्र-पत्रिकामा सिमित स्थान हुन्छ छाप्नको लागि । हामी कार्यक्रममा पनि रिपोर्ट बनाउँदा सबै कुराहरु समेट्न  सम्भव नहुन सक्छ । त्यो कुरा कसरी लेख्ने भनेर माध्यम खोजिरहेको थिएँ । उकुसमुकुस भएको बेलामा लेख्थेँ । उमेशजिको ब्लगमा पनि लेख्थेँ दुइ बर्ष जति  अगाडी । गत जनवरीमा आरएनटिसि को तालिम लिन नेदरल्यान्ड्स गएँ । मलाई ब्लगिङ गर्न एकदमै उत्प्रेरित गर्नु भयो त्यहाँको प्रशिक्षकले ।  मेरो फेसबुकमा धेरै कमेन्ट र लाईक आएको देखेपछी मलाई ब्लगिङ गर भनेर सिकाउनुभयो । त्यसपछी मैले ब्लगिङ सुरु गरेँ । मैले वर्डप्रेसबाट ब्लगिङ गर्न थालेँ । धेरै भएको छैन तर नियमित अपडेट गर्ने गरेको छु ।  राम्रै प्रतिकिया पनि आएको छ । दिनमा छ सय जति  हिट पनि भएको छ ।

तपाईंको ब्लगको नाम आरन राख्नुको कारण के हो ?

 मेरो एक जना साथी हुनुहुन्छ दिपक भट्टराइ । उहाँले मलाई एक दिन फुर्काएर तपाईंको नाम स्वर्ण अक्षरले लेख्नुपर्छ भन्नु भयो । मैले स्वर्ण अक्षर होइन फलामले लेखिदिए पुग्छ किनभने मेरो बुवा आरनको काम गर्नु हुन्छ र उहाँको सम्मान हुनेछ भनेर मैले जिस्केर भनेको थिएँ ।

ब्लगको नाम के राखौँ भनेर साथीहरु छलफल गर्ने क्रममा बुवालाई सम्मान हुने कुनै राख्न सल्लाह दिनु भयो । मैले मेरो ब्लगको नाम आरन राखेँ । यो नाम मैले मेरो बुवाको कामलाई सम्मान गर्दै राखेको हुँ । उहाँले आरनमा काम गरेर मलाई पढाउनुभयो ,  हुर्काउनु भयो । यो परम्परागत रुपमा काम गर्ने ठाँउ हो र अलि नौलो पनि हुन्छ भनेर मैले यो नाम राखेँ ।

के पोस्ट गर्नु हुन्छ ब्लगमा ?

सामाजिक मुद्दा र राजनैतिक विषयमा टिपण्णी गर्छु । मन लागेको विषयलाई उजागर गर्ने, आफ्नो विचार, दृष्टिकोण व्यक्त गर्ने र मलाई उचित लागेको समाधान पनि दिने प्रयास गर्छु ।

ब्लगिङ र मुलधार मिडियामा के फरक छ ?

मुलधार मिडियामा मिडिया मालिक वा सम्पादकको कारणले कतिपय कुराहरु आउँदैनन् । तथापी मुलधारले कतिपय कुरा उजागर गरेको छ । त्यो हुँदा-हुँदै मुलधार मिडियामा कहिलेकाहीँ सन्तुलन नभएको वा पार्टीको पत्रिका हुने र कार्यकर्ता पत्रकार हुने देखिन्छ । ब्लगमा त्यस्तो हुँदैन । त्यस्तो कसैको वकालत गर्छ भने इच्छा हुनेले पढ्छन अरुले पढ्दैनन ।

आफुलाई मन परेको र बढी पढीएको ब्लग पोस्ट ?

एकदमै हेरिएको ब्लग चाँही मेरो चोक मान , छत्र मान र प्रचन्ड   भन्ने पोष्ट हो । च्याउ खाएर सबै परिवार गुमाएका चोकमानलाई प्रधानसेनापति छत्रमान गुरुङले पालनपोषणको जिम्मा लिएका थिए । तर गोली खाएर हजारौँ मानिस मरे कती अनाथ भए उनीहरुको जिम्मेवारी प्रचन्डले लिने कि नलिने भनेर लेखेको थिएँ । मार्केटिङ कती गर्‍यो भन्ने पनि हो । फेसबुक ट्विटरमार्फत शेयर गर्‍यो भने दिनमा दुईतीन सयले हेर्नुहुन्छ ।

कस्तो प्रतिकिया पाउने गर्नु भएको छ ब्लगमा ?

ब्लगमा प्रतिकिया दिने कम हुनुहुन्छ । फेसबुकको इन्बक्समा मेसेज आउँछ । कतिपय फोन गरेर आरन भन्ने नाम नराखेको भए हुन्थ्यो भन्नु भएको छ । तर धेरै जसोले युनिक नाम भयो त्यसैले यो राम्रो छ भन्नु भएको छ । कन्टेन्टको हिसाबले ठिकै छ अझै राम्रो लेख्नु भनेर कमेन्ट आउने गर्दछ । ट्विटरबाट पनि यस्ता प्रतिक्रया आँउछन् ।

नेपालमा ब्लगिङ गर्ने ट्रेन्ड कस्तो देखिरहनु भएको छ ?    

धेरैजसो आत्मपरक र समाचार भन्दा पनि बढी आफ्नो अनुभव लेख्ने देखेको छु मैले । व्यवसायिक ब्लगर एक दुइ जना मात्रै छन । अहिले आएर ब्लगिङ गर्ने ट्रेन्ड बढेको पनि मैले महशुस गरेको छु ।   

कुन कुन सामाजिक मिडिया चलाउनु हुन्छ ?

म फेसबुक चलाउँछु । फेसबुकमा नियमित जस्तो नै स्टाटस अपडेट गर्छु । राजनैतिक विषयवस्तु अलि बढि , सामाजिक र आफ्नो भोगाइलाई व्यङ्यात्मक शैलीमा प्रस्तुत गर्छु । ट्विटर चाँही मैले भर्खर मात्र थालेको हुँ ।         

फिल्ड भिजिटमा जाँदा सोसल नेट्वर्किङ साइट चलाउने ट्रेन्ड कस्तो देख्नु भयो ?

फेसबुक धेरै चलाउने देखेँ मैले । एकपटक अछाम जाँदा गाडी पल्टेर निकै तल खसेको रहेछ । केहि मजदुरहरु मेसिन लगाएर तान्दै हुनुहुन्थ्यो । एकजना ज्यामी दाइले मेरो फोटो खिचिदिनुस् न भन्नु भयो । अनि उनले भरे मेरो फेसबुकमा राखिदिनु है भने । मलाई अचम्म लाग्यो । हामीले नपत्याएको व्यक्तिसम्म पनि यसको पहुँच पुगेको रहेछ वा पहुँच नभए पनि चर्चा चलेको रहेछ ।             

सामाजिक मिडियाले कस्तो परिवर्तन ल्याएको छ ?

 थुप्रै युवाहरुलाई एकै ठाउँमा ल्याएको छ । गाउँमा सहयोग गर्नको लागि, बाढी पीडितको लागि  सहयोग र अरु धेरै परोपकारी र राम्रा कामको लागि  प्रयोग भएको छ ।  यसको साथै गलत प्रवित्ति पनि देखिएको छ । नेताहरुको अनकौँ तस्बिर बनाएर, बाल-बलिकाको तस्बिर गलत तरिकाले प्रयोग गरेर शेयर गर्ने, भद्दा गाली गर्ने, एउटा समुहले अर्को समुहलाई  पेज बनाएर गाली गर्ने जस्ता प्रवृत्ति पनि देखिएको छ ।

यस्तो गलत प्रवत्तिलाई रोक्न के गर्न सकिन्छ ?

व्यतिगत रुपमा अनफ्रेन्ड, ब्लक गर्न सकिन्छ, यस्तो गलत प्रवित्ति रोक्न साइबर कानुन नै कृयाशिल भयो भने पर्याप्त हुन्छ ।        

तपाईंलाई के लाग्छ आचारसंहिता जस्ता केही बन्देजहरुले यस्ता गलत प्रवृत्ति रोक्न सक्छन् ?

 म चाँही आचार-संहिता जरुरी छैन भन्छु । ब्लगिङमा आचार-संहिता पालना भए नभएको हेर्ने निकाय नै छैन । मेरो विचारमा अराजकताले पनि सिर्जनशीलता निम्त्याउँछ । नकारात्मक अराजकताले रुवान्डामा जस्तो साठी लाख मान्छे मर्लान भने सकारात्मक अराजकताले सयौँ मानिसलाई ज्ञानी पनि बनाउला । बुद्द पनि अराजक मानिस थिए कुनै जमानामा, ग्यालिलियो पनि अराजक नै थिए अदालतले उनलाई अराजक घोषणा गरेको थियो, मृत्युदन्डको सजाय सुनाएको थियो । तर बुद्ध र ग्यालिलियो जस्तो सकारात्मक अराजक हुनु पर्‍यो ।  त्यसैले कुनै नियमले बाँधिनु भन्दा पनि आफ्नै विवेक, ज्ञान प्रयोग गर्न पाउनु पर्छ । ब्लग गर्ने मानिस त्यति  अबुझ छन जस्तो लाग्दैन । आफ्नो ब्रह्मले भ्याएको चिज लेख्नु पर्छ र त्यसमा कुनै नियम हुनु हुँदैन जस्तो लाग्छ । 

अन्तमा, मेरोरिपोर्ट  कस्तो लाग्छ तपाईंलाई ?

ट्विटर चलाउन थालेपछी यसको बारेमा थाहा पाएँ र चलाउन थालेँ । राम्रो लाग्यो । खासगरी नेपालका ब्लगरलाई एकै ठाँउमा राख्ने काम गरेको छ यसले । ब्लगिङ कसरी गर्ने भनेर नयाँ ब्लगरलाई सिकाउने काम गरेको छ ।   यसको मार्केटिङ अलि कम भयो जस्तो लाग्छ । अलि प्रचार गर्नु पर्‍यो ।                                                                                                                                        



 

मेघराजको ब्लग: meghrajrasailee.wordpress.com

 

 

नोट: के तपाईँ पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । वा आफ्नो ब्लगको विवरण cj@meroreport.netमा इमेल गरेर पठाउन सक्नुहुन्छ । तपाइंको ब्लग हेरेर हामीले निर्णय गर्नेछौं ।

 

 

 

मेरोरिपोर्टमा हालसम्म फिचर हुन सफल साताका ब्लगरहरु:

सुधा सुबेदी

अनन्त कोईराला

शेखर ढकाल (यात्री शेखर)

झलक पौडेल
प्रेमप्रसाद पौडेल
पागलबस्ती (कुमार फुयाँल)
 वसन्त गिरी
प्रतिभा चालिसे
गोपाल त्रिताल
स्मृति शिल्पकार
डा. सूर्य पराजुली
गणेश कार्की
लुना भट्टराइ
काकाबा (हरि न्यौपाने)
भुमिका तुलाधर
उर्मिला थपलिया
आस्मा अर्याल
सुवास अधिकारी
महेश सागर खनाल
दिपक अर्याल
सबिन सिंह
सागर शर्मा
रमेश खत्री
अस्मिता पौडेल
जनकराज भट्ट
भोजराज दाहाल
यादव हुमागाइ
गीता चौधरी
सबिन ज्ञवाली
किशोर शर्मा
रमन पनेरु
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by Meghraj Rasaili on August 8, 2012 at 7:33pm

धन्यवाद इन्द्रजी र मुनाजी। 

Comment by Indra Dhoj Kshetri on August 8, 2012 at 12:19pm

बधाइ हो बधाइ मेघजी । बधाई दिन अलिकति ढिला भएछ माफ पाम् । अझै धेरै पढ्न पाइयोस् । मौका मिलेमा www.mediamanch.net तिर पनि छिरेर पत्रकारिताका अनुभव बाँड्न सक्नुहुन्छ । :)

Comment by Amuna Chapagain on August 8, 2012 at 11:59am

Congratulations !!!!

Comment by Meghraj Rasaili on August 6, 2012 at 9:50am

धन्यवाद डाक्टर साहेब।

Comment by Dr. Surya B. Parajuli on August 6, 2012 at 7:37am

Congratulation......

www.drsathi.blogspot.com

Comment by Meghraj Rasaili on August 5, 2012 at 11:06pm

धन्यवाद बिनय सर। शुभाशिष पाइरहुँ।

Comment by Binaya Shekhar on August 4, 2012 at 6:46pm

Congratulations MeghaRaj. Love your thoughts. Blogging is all about being responsible. Wish you good for the day ahead. 

Comment by Meghraj Rasaili on August 4, 2012 at 2:23pm

धन्यवाद प्रकाशजी, अजीताजी र दीपकजीलाई। तपाईहरुको प्रेरणा र रचनात्मक सुझाव सँधै पाइरहुँ।

Comment by Prakash Lamichhane on August 3, 2012 at 9:49am

Congratulations Meghraj ji....

Comment by Ajeeta Sigdel on August 1, 2012 at 4:39pm

Congratulations !! 

Comment by Deepak Aryal on August 1, 2012 at 4:37pm
बधाई छ, मेघराजजी।

© 2017   Created by Equal Access for the Civil Society: Media Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service