साताको ब्लगर: प्रेमप्रसाद पौडेल

जलवायु परिवर्तन र त्यसले निम्त्याउने समस्याबारे बहस विश्वमा नै चर्किँदै गएको छ । हिमालको हिउँ पग्लिने, तालहरु सुक्ने र जलाधारमा पनि ह्रास आउने क्रम बढ्दै गैरहेको छ । वातावरण जोगाएर लामो
समय बाँच्नुपर्छ भनेर वातावरणको क्षेत्रमा ब्लगिङ गर्दै आइरहेका छन् ब्लगर प्रेमप्रसाद पौडेल । उनले यसै विषयमा पत्रिकामा लेखहरु पनि लेख्ने गरेका छन ।
ब्लगर पौडेलले आफ्नो ब्लग 'वातावरण प्रतिकूलले बनाएको मरुभूमिको यात्री' मा पर्यटन, स्वास्थ्य, संस्कृति, व्यक्तित्व, आदी थुप्रै विषयवस्तु समावेश गरेका छन् । धैबुङ, रसुवा घर भएका प्रेमप्रसाद पौडेल हाल नयाँबजार काठमाडौंमा बस्छन् । उनको बुवा, आमा, हजुरआमा, श्रीमती, १ छोरा र १ छोरीसहितको परिवार भने रसुवामा नै बसोवास गर्दै आइरहेको छ ।
आफ्नो ब्लगमा धेरै जसो रसुवाको विषयवस्तु समावेश गर्ने पौडेललाई हामीले साताको ब्लगरको रुपमा प्रस्तुत गरेका छौँ ।  ब्लगिङ, सामाजिक सञ्जाल र वातावरयका विषयसँग सम्बन्धित रहेर उनीसँग गरिएको कुराकानी: 

तपाईंको पेशाको बारेमा केहि बताइदिनुस न ? 

हाल म ठमेलस्थित ट्राभल टेक्नोलोजी नेपालमा म्यानेजरको रूपमा काम गर्छु । ट्राभल टेक्नोलोजी नेपाल एउटा अनलाइन टेक्नोलोजी कम्पनी हो जसले नेपालका होटल तथा ट्राभल एजेन्सीका वस्तु र सेवासम्बन्धी सूचना व्यवस्थापन,  बजारीकरण तथा विक्री सेवा प्रदान गर्दछ । पहिला म रसुवा खबर साप्ताहिकमा सह -सम्पादकको रुपमा काम गर्थेँ  । अहिले www.rasuwakhabar.com अनलाईनमा पनि काम गरिरहेको छु ।

ब्लगिङ कसरी गर्न थाल्नु भयो ? 

मलाई ब्लगको बारेमा थाहा थिएन । एकचोटि साइबरमा जाँदा एउटा ब्राउजरमा create your Blog  भन्ने रहेछ । यो के रहेछ भनेर हेरेँ अनि आफ्नो ब्लग बनाएँ र ब्लगमा लेख्न थालेँ । त्यो ब्लगको पासवर्ड बिर्सेर चलाउन सकिनँ । पछि फेरी नयाँ ब्लग बनाएर ब्लगिङ थालेँ ।  

मसँग ब्लग डोमेन धेरै छ । मैले आफ्नो जिल्ला रसुवाको बारेमा एथेष्ट जानकारीहरु अनलाईनमार्फत दिनुपर्छ र ब्लगिङले पनि धेरै कुरा गर्न सक्छ भनेर रसुवाको हरेक क्षेत्रको लागि मैले ब्लगहरु बनाएर राखेको छु । त्यसलाई क्रमश राम्रो बनाउँदैछु ।  www.premprasadpaudel.blogspot.com भन्ने छ । म अहिले त्यसैबाट ब्लगिङ गरिरहेको छु ।   

धेरै जसो रसुवाकै कुरा लेख्ने गरेको छु । र पछील्लो समयमा मैले राजधानीका कुरालाई पनि राख्ने गरेको छु । 

ब्लगिङ  नै किन

आफ्नो कुरा आफ्नै तरिकाले व्यक्त गर्न पाइन्छ । आफुले चाहे जस्तो कुरा राख्न सकिन्छ । कुनै पनि सफ्टवेयर किन्नु नपर्ने कारणले मैले ब्लगिङ रोजेको हुँ । 

कस्तो प्रतिकिया पाउने गर्नु भएको छ ?   

ब्लगबाट नै मैले प्रतिकिया त पाइरहेको छैन । फोनमार्फत प्रतिकिया दिने गर्नुहुन्छ । यो राम्रो लेख्नु भएको रहेछ । मलाई यो विषयवस्तु खड्किरहेको थियो तपाईंले लेख्नु भयो भन्ने गर्नु हुन्छ । र मैले फेसबुकमा शेयर गर्दा फेसबुक बाटै प्रतिकिया आउने गरेको छ ।

कतीको समय दिने गर्नु हुन्छ

म प्रायः अनलाईनमै काम गर्ने भएकोले एक-दुइ घन्टा कामको चाप हेरेर र प्रायः बेलुका चलाउँछु । 

पछिल्लो पटक के लेख्नुभयो ब्लगमा ?  

पछिल्लो पटक रसुवाको विकासको सूचक : जलविद्युत, पर्यटन र रसुवागढी नाका लेखेको थिएँ । यसमा मैले रसुवा जिल्ला राजधानीबाट नजिकै छ, मानिसहरुमा चेतना र विकास निर्माणसँगै हामी अब सधै दुर्गम हौँ भनीरहनु पर्दैन भन्ने कुरा लेखेको छु ।  मैले चिलिमे जलबिद्युत केन्द्रको पनि वर्णन गरेको छु जुन रसुवाको मात्रै नभएर देशकै नमुना उत्पादन भएको छ र अरु बिभिन्न कुराको वर्णन गरेको छु ।

के ब्लगिङमा आचार - संहिताको आवश्यकता छ ?  

जुनसुकै काम गर्नको लागि निश्चित नीति-नियमको आवश्यकता हुन्छ ।  मन लाग्यो भन्दैमा अरुलाई आघात पर्ने खालको अथवा आरोप लगाउने खालको सुचना पोस्ट गर्नु हुँदैन । 

ब्लगिङ कतिको महत्वपूर्ण छ

कसैले केहि लेखेर मिडियामा पहुँच पुगेको छैन भने ब्लगमार्फत पुर्‍याउन सक्छ । पत्रिकामा छापिएका कुरा हराएर जान सक्छ तर ब्लगमा लेखेका कुरा रहिरहन्छ ।   

रसुवामा ईन्टरनेट प्रयोगको अवस्था कस्तो छ

तीन वर्षअघिसम्म ईन्टरनेटको प्रयोग त्यति थिएन । हामी रसुवाबाट नै दुःखजिलोको साथ चलाउँथ्यौँ । कहिलेकाही सारै पीर पनि लाग्थ्यो, ईन्टरनेटको अवस्था देखेर । तर सदरमुकाम धुन्चे र कालिकास्थान बजारमा केन्द्रीत इन्टरनेट आज विभिन्न डिभाइसको प्रयोगबाट घरघरमा चलिरहेको छ । प्रत्येकका मोबाइलमा फेसबुक चल्छ । इन्टरनेट सेवा प्रदायकले रसुवामा सेवा दिन खोजिरहेका छन् भन्ने पनि सुनेको छु ।
रसुवाको युवापुस्ता विस्तारै इन्टरनेटको प्रयोगमा अगाडि बढिरहेका छन् । मलाई आशा छ छिट्टै विकट बस्ती यार्सा, हाकु जस्ता गाविसमा पनि विजुलीको पहुँच पुग्नेछ, इन्टरनेट सेवा पुग्नेछ र हामी त्यहाँ पुग्दा त्यहीँबाट ब्लगिङ गरी त्यहाँको कुराहरू प्रवाह गर्न सक्नेछौं । सबैको चाहना र विश्वास भएमा यो सम्भव छ ।

वातावरण सम्बन्धी कतिको चेतना छ आम मानिसमा

वातावरण विना मानिसको जीवन अकल्पनीय छ भनेर सबै खालका मानिसले बुझ्न सकेका छैनन् । समाजका अगुवा भन्ने वा बुझेका मानिसले पनि बुझ पचाएका छन् । हाम्रा कारण वातावरण बिग्रेको हो भनेर बुझ्न अति नै आवश्यक छ । वातावरणका विषयमा चेतना जस्तो भए पनि वातावरण प्रदुषण हुने खालका काम हामी सबैले जानेर वा बाध्यताले गरिराखेका छौं । मेरो ब्लगका विभिन्न पोस्टहरूमा मैले यस्ता विषयवस्तुलाई उठाएको छु । 

वातावरण सम्बन्धी सवाल उठाउन ब्लगले कतिको प्रभावकारी भूमिका खेल्न सक्छ  

ब्लगले निश्चय नै प्रभावकारी भूमिका निर्वाह गर्न सक्छ । वातावरण प्रदुषण कसरी हुन्छ र त्यसका समाधानका सरल उपायहरू के हुन् भन्ने खालका चेतना प्रवाह, त्यस सम्बन्धि फोटो तथा भिडियो राखेर वा वातावरण प्रदुषणका कारण र संरक्षणका सवाल विषयमा आन्दोलनका रूपमा ब्लगिङ गरी वातावरण संरक्षणका लागि ब्लगिङको प्रभावकारिता देखाउन सकिन्छ ।
यो सम्भव पनि छ किनकि आम मानिसका लागि ब्लग सरल र सुलभ प्रविधि हो । ग्रामीण तहसम्म पनि आजभोलि इन्टरनेटको प्रयोग बढ्दै गएका कारण जुनसुकै कुनाबाट पनि ब्लगिङ गर्न सकिन्छ । होस्टिङ, नवीकरण आदि केहीको पनि आवश्यकता नपर्ने भएकोले यो सबैका लागि सरल उपाय हुनसक्छ । 

मेरोरिपोर्ट कस्तो लाग्छ तपाईंलाई

मेरो रिपोर्टमा म भर्खरै प्रवेश गरेको हुँ । जुन दिन म प्रवेश गरें, त्यस दिनदेखि नै मैले यसको प्रभावकारीता वा मेरोरिपोर्टको अभियानलाई बुझ्न सकेको छु जस्तो लाग्छ । नेपालका आम व्लगर वा नागरिक पत्रकारहरूको लागि यो एउटा अभ्यासको थलो बन्नेछ । जसले अभ्यास गरिरहनु भएको छ उहाँहरूको लागि सच्चिँदै, माझिँदै, परिस्कृत हुँदै जिम्मेवार ब्लगिङ गर्ने तथा देखेका, भोगेका कुरालाई उतार्ने माध्यम मेरोरिपोर्ट बन्नेछ भन्ने मैले विश्वास लिएको छु ।

केहि सुझाव छन मेरोरिपोर्टको लागि

म मेरोरिपोर्टलाई धन्यवाद दिन चाहन्छु, मेरो अनुभव राख्ने मौका दिनु भएकोमा । सुझावमा मेरो रिपोर्टमा सदस्य बन्नेको फोटो तथा विस्तृत विवरण राखेपछि मात्र तपाइँहरूले सदस्य कन्र्फम गर्नु भयो भने राम्रो हुन्छ । यसो गरेन भने स्पाम आउन सक्छ । पहिला-पहिला इमेलमा यस्तो धेरै आउँथ्यो, कसैले रिप्लाई गर्यो भने विभिन्न प्रभोलन देखाएर पैसा माग्ने काम गर्छन् । यस्तालाई प्रवेश गर्न रोक्नु पर्दछ भन्ने मलाई लाग्छ । 

 

 

 

नोट: के तपाईँ पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । वा आफ्नो ब्लगको विवरण cj@meroreport.netमा इमेल गरेर पठाउन सक्नुहुन्छ । तपाइंको ब्लग हेरेर हामीले निर्णय गर्नेछौं ।

 

 

 

मेरोरिपोर्टमा हालसम्म फिचर हुन सफल साताका ब्लगरहरु:
पागलबस्ती (कुमार फुयाँल)
 वसन्त गिरी
प्रतिभा चालिसे
गोपाल त्रिताल
स्मृति शिल्पकार
डा. सूर्य पराजुली
गणेश कार्की
लुना भट्टराइ
काकाबा (हरि न्यौपाने)
भुमिका तुलाधर
उर्मिला थपलिया
आस्मा अर्याल
सुवास अधिकारी
महेश सागर खनाल
दिपक अर्याल
सबिन सिंह
सागर शर्मा
रमेश खत्री
अस्मिता पौडेल
जनकराज भट्ट
भोजराज दाहाल
यादव हुमागाइ
गीता चौधरी
सबिन ज्ञवाली
किशोर शर्मा
रमन पनेरु
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by Pagal Basti on July 2, 2012 at 7:47pm

प्रेम पौडंल ज्युलाइ बधाइ। स्विकार होस

Comment by प्रेम पौडेल (मरूभूमिको यात्री) on June 28, 2012 at 10:56pm

Many thanks for the text for capturing all the words. I am really happy for that,  Mero Report, Net  providing me a chance to share my knowledge,  Actually this is my first experience . 

Comment by Sharmila Dulal on June 27, 2012 at 6:38pm

Keep going....and keep it up.

Comment by Amuna Chapagain on June 27, 2012 at 2:57pm

Congratulations 

Comment by Ajeeta Sigdel on June 27, 2012 at 2:53pm

Congratulations !!! 

© 2017   Created by Equal Access for the Civil Society: Mutual Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service