साताको ब्लगर: स्मृति शिल्पकार

मंगलबजार पाटनमा बस्ने स्मृति शिल्पकार हाल पाटन क्याम्पसबाट समाजशास्त्र मानवाशास्त्रमा स्नातकोत्तर गर्दैछिन् ।  पहिला मुलधारको पत्रकारितामा  रहेकी स्मृति  अहिले फ्रिल्यान्सरको रुपमा काम गर्छिन ।  
स्वतन्त्र रुपले आफ्नो दृस्टिकोण प्रस्तुत गर्न पाइने भएकोले उनी ब्लगिङ गर्न मन पराउँछिन । लेखहरु र फोटोमार्फत आफ्नो धारणा व्यक्त गर्ने स्मृतिलाई यस पटक साताको ब्लगरको रुपमा छानेका छौं ।  प्रस्तुत छ उनीसित मेरोरिपोर्टका लागि दुर्गा लामिछाने र यमुना चापागाईंले गरेको कुराकानीः  

ब्लगिङ कहिले देखि गर्न थाल्नुभएको हो ?

मैले ब्लगिङ गर्न थालेको करिब अढाई वर्ष जति भयो ।

कसरी ब्लगिङ थाल्नुभयो ?

मलाई पहिला ब्लगिङको बारेमा थाहा थिएन । मेरो एक जना पत्रकार साथी हुनुहुन्छ उहाँले पत्रिकामा प्रकाशित गर्नु भएका आफ्नो सबै लेखहरु ब्लगमा पोस्ट गर्नु हुँदोरहेछ । मलाई पनि त्यो लेखको लिन्क पठाउनु हुन्थ्यो मलाई राम्रो लाग्थ्यो ।

मैले केही ब्लगहरु पढेको थिएँ तर मलाई ब्लगको बारेमा केही जानकारी थिएन । एक दुईजना साथीहरुसँग बुझेँ र अरुको ब्लग हेर्न थालेँ ।  मैले के थाहा पाएँ भने आफूले लेखेका लेखहरु मिडियामा प्रकाशित भइसकेपछि  ब्लगमा राख्ने चलन रहेछ । र मैले पनि ब्लग बनाएँ ।   

ब्लग नै किन ? 

अनलाईन र अरु मिडिया भन्दा पनि ब्लगमा लेख्ने र व्यक्त गर्ने स्वतन्त्रता बढी नै हुन्छ । अरु माध्यममा सम्पादन हुन्छ । तर ब्लगमा आफ्नै दृष्टिकोण व्यक्त गर्न पाइन्छ । आफ्नो मनको कुरा स्वन्त्रतापूर्वक व्यक्त गर्न पाइने भएकोले मैले ब्लगिङ गर्न थालेको हुँ । 

के विषयमा लेख्नुहुन्छ ?

यही विषयमा लेख्छु भन्ने छैन । म जे देख्छु त्यही विषयमा लेख्ने गर्छु । जस्तै म अफिस गइरहेकी छु एउटा होटेलमा बच्चाले भाँडा माझिरहेको देखें र मलाई चित्त बुझेन भने म आफ्नो ब्लगमा लेख्छु । मुल रुपमा आफूले दैनिक देखिरहेको कुराहरुको बारेमा ब्लगिङ गर्ने गर्दछु । मलाई फोटोग्राफीमा पनि एकदमै रुची छ । अहिले सिकिरहेको पनि छु । ब्लगमा फोटोहरु पनि पोस्ट गर्ने गर्दछु ।

ब्लगमा पोस्ट गर्नकै लागि  फोटोग्राफी गर्नु हुन्छ ? 

कतै जाँदा केही राम्रो लाग्यो भने खिच्छु र पोस्ट गर्छु । ब्लगमा पोस्ट गर्नैको लागि  भनेर खिच्दिनँ ।

कस्तो प्रतिकिया पाउने गर्नुहुन्छ ?

राम्रो प्रतिकिया पाउने गर्दछु । कहिलेकाहीँ कमजोरीहरु औँल्याइदिनु हुन्छ । अलि भावुक भएर लेख्नु भयो भन्ने जस्ता प्रतिकिया आउने गर्दछन् । धेरै जसो राम्रो छ भन्ने प्रतिकिया पाउने गर्दछु । 

ब्लगिङ गर्दा र मिडिया वा  अरु माध्यमबाट आफ्नो धारणा व्यक्त गर्दा के फरक पाउनु भएको छ ?

फरक त हुन्छ नै । मलाई कसैको ब्लग मन पर्‍यो भने अरुलाई भन्छु र त्यसरी  शेयर हुँदै जान्छ । जस्तै ब्लगको माध्यमबाट मैले कसैलाई आफ्नो समस्या भनें भने एकैछिनमा धेरै सुझाव पाउन सक्छु । पत्रकारितामा त आफ्नो धारणा व्यक्त गर्ने ठाँउ नै हुँदैन । ब्लग मलाई अरु माध्यम भन्दा विश्वसनीय पनि लाग्छ ।

ब्लगिङ गर्दा के कुरामा ध्यान दिनु पर्छ जस्तो लाग्छ ? 

आफ्नो अभिव्यक्तिको स्वन्त्रता छ भन्दैमा अरुलाई व्यक्तिगत रुपमा आक्षेप लगाउनु हुँदैन । अरुको गोप्य कुरा ब्लगको माध्यमबाट खोल्नु भएन । अरुको व्यक्तिगत जीवनमा प्रभाव पर्ने गरी लेख्नु हुँदैन । आफूलाई मन लागेको कुरा लेख्न पाइन्छ तर अरुको आत्म-सम्मानमा ठेस पुर्‍याउनु हुँदैन ।

के ब्लगिङमा आचारसंहिताको जरुरी छ ? 

आचारसंहिता जरुरी छ तर त्यही अनुसार चल्छन् भन्ने मलाई लाग्दैन । किनभने साइबर कानुन छ तर त्यसको पुर्ण रुपमा पालना हुन सकेको छैन । आचारसंहिता बन्यो, कसैले यसको अनुशरण गर्लान् । तर दीर्घकालिन रुपमा यसको पालना हुन्छ जस्तो मलाई लाग्दैन । जबसम्म व्यक्तिगत रुपमा नै मैले यो गर्नु हुँदैन भन्ने महशुस हुँदैन त्यतिबेला सम्म अचारसंहिता कागजमा मात्रै सिमित हुन्छ जस्तो लाग्छ मलाई । 

ब्लग बाहेक अर्को सोसिअल नेट्वर्किङ साइट ट्वीटरमा कत्तिको सक्रिय हुनुहुन्छ ?

ट्वीटर चलाएको त धेरै अगाडी नै हो । तर त्यो बेलामा मलाई ट्वीटर चलाउन आँउदैन थियो । धेरै साथी पनि थिएन, भएको जति पनि आ-आफ्नो काममा व्यस्त हुनुहुन्थ्यो ।  विगत पाँच-छ महिना देखि निकै सक्रिय भएर चलाउन थालेको छु ।

ट्वीटरमा किन आइ फुच्ची ह्यान्डल राख्नु भएको हो ?

मलाई फुच्ची भन्ने नाम एकदमै मन पर्छ । मैले काम गर्न थालेको करिब छ वर्ष 

भइसकेको छ । मैले काम गर्न थल्दा कुनै पनि संस्थामा म नै सानो हुन्थेँ । मेरा साथी र सिनियरले मलाई फुच्ची भन्नुहुन्थ्यो । मसँग मिल्ने मान्छेहरुले मलाई अहिले पनि त्यही नामले बोलाउँछन । त्यही भएर फुच्ची नै राखेको हुँ । पहिला फेसबुकमा पनि स्मृति  फुच्ची नै राखेको थिएँ तर पछि  पूरा नाम नै राखेँ ।

ब्लग र ट्वीटरमा के फरक छ ? 

ट्वीटरमा छिटो रेस्पोन्स पाइन्छ । जस्तो मैले बन्दको बारेमा केही लेखेँ भने तुरुन्तै रेस्पोन्स आइहाल्छ । यदी मैले कसैको बारेमा चित्त नबुझेको कुरा लेखेँ भने त्यसमा राम्रो-नराम्रो छिटो रेस्पोन्स आइहाल्छ । मैले ब्लगमा केही कुराको बारेमा लेखेँ भने ट्वीटरमा त्यसको संक्षेपमा लेख्छु । 

मैले लेखेको ब्लगको लिंक  ट्वीटरमा राखिदिन्छु । ट्वीटरमा लिंक  देखेर ब्लग पढेर प्रतिकिया दिने गर्नुहुन्छ । मैले ट्वीटरमा परिचय दिँदा आफ्नो ब्लग लिंक  पनि राखेको छु जसले गर्दा यसको ब्लग पनि रहेछ भन्ने थाहा हुन्छ र खोलेर हेर्ने गर्नु हुन्छ ।    

अरु सामाजिक सञ्जाल के-के चलाउनु हुन्छ ?

फेसबुक चलाँउछु । फेसबुक जस्तै नेपाली साइट ‘हाम्रो बुक डट कम’ पनि चलाउछुँ । 

कतिको समय दिनु हुन्छ ?

निरन्तर चलाईरहेको हुन्छु ।  गाडीमा कतै गइरहेको बेलामा चलाउँछु । फेसबुक त विशेष गरी फोटो राख्न र  हेर्नको लागि  चलाउँछु । साथै च्याट गर्न , कमेन्ट गर्नको लागि  पनि प्रयोग गर्छु ।

मेरोरिपोर्ट कतिको हेर्नु हुन्छ ?

पहिला मलाई मेरोरिपोर्टको बारेमा थाहा थिएन । जनकराज भट्ट साताको ब्लगर हुनु भएको थियो । उहाँले आफ्नो अन्तर्वार्ताको लिंक  ट्वीटरमा  शेयर गर्नु भएको थियो । त्यसपछि मैले मेरोरिपोर्टको बारेमा थाहा पाएँ । अहिले म निरन्तर रुपमा मेरोरिपोर्ट हेर्ने गर्छु ।  

मेरोरिपोर्ट कस्तो लाग्छ

राम्रो लाग्छ । अहिले अनलाईन पत्रकारिता टिक्न गार्‍हो छ । ठूला-ठूला मिडिया हाउसको मात्र अनलाईन  न्युज साइट छ । सानो मिडिया हाउसको भए पनि अपडेट नै हुँदैन । तर मेरोरिपोर्टको निरन्तर रुपमा अपडेट भइरहेको हुन्छ ।

मेरोरिपोर्टका लागि के सुझाव दिन चाहनुहुन्छ ?

मेरोरिपोर्टले राम्रो काम गरिरहेको छ ।  तर अझै पनि मेरोरिपोर्टको बारेमा एउटा समूहलाई मात्र थाहा छ । बाहिर मानिसहरुलाई यसबारे राम्ररी थाहा छैन ।  यसकोलागि मेरोरिपोर्टले कार्यक्रमहरुमा सहभागिता जनाउने वा आफैंले कार्यक्रम आयोजना गर्ने गरेमा अझ धेरै मानिसहरुसम्म पुग्न सक्छ होला।


स्मृतिको ब्लग लिङ्क:   http://smritikozindagi.blogspot.com/

 

नोट: के तपाइं पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । वा आफ्नो ब्लगको विवरण cj@meroreport.netमा इमेल गरेर पठाउन सक्नुहुन्छ । तपाइंको ब्लग हेरेर हामीले निर्णय गर्नेछौं ।

 

 

 

मेरोरिपोर्टमा हालसम्म फिचर हुन सफल साताका ब्लगरहरु:
डा. सूर्य पराजुली
गणेश कार्की
लुना भट्टराइ
काकाबा (हरि न्यौपाने)
भुमिका तुलाधर
उर्मिला थपलिया
आस्मा अर्याल
सुवास अधिकारी
महेश सागर खनाल
दिपक अर्याल
सबिन सिंह
सागर शर्मा
रमेश खत्री
अस्मिता पौडेल
जनकराज भट्ट
भोजराज दाहाल
यादव हुमागाइ
गीता चौधरी
Sabin Gnawali
Kishor Sharma
Raman Paneru
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by Santosh Devkota on May 25, 2012 at 2:25pm

Congratulation Smiriti

Comment by Pagal Basti on May 24, 2012 at 2:13pm

लौ बधाइ छ है हजुर हाम्रा तर्फबाट पनि

Comment by एसवी गौतम on May 23, 2012 at 6:24pm

congratulations !!!

Comment by Dr. Surya B. Parajuli on May 23, 2012 at 5:39pm
Congratulation..
Comment by Indra Dhoj Kshetri on May 23, 2012 at 4:44pm

बधाइ छ स्मृति । अझै धेरै पढ्न पाइयोस् र फोटोहरु पनि हेर्न पाइयोस् ।

Comment by Amuna Chapagain on May 23, 2012 at 4:26pm

Congratulations !!!

Comment by Kranti Darai on May 23, 2012 at 4:20pm

Congratulations Smriti .. :) 

Comment by sabinsingh on May 23, 2012 at 4:18pm

बधाइ छ स्मृतिलाइ :)

© 2017   Created by Equal Access for the Civil Society: Mutual Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service