साताको ब्लगर: लुना भट्टराइ

फोटोग्राफीमा निकै रुची राख्ने लुना भट्टराइ हाल शिल्पी थिएटरमा फोटोग्राफी गर्दै छिन । डेनमार्कमा फोटोग्राफी अध्ययन गरेकी लुना हाल कलेज फर जर्नालिजम एन्ड मास कम्युनिकेसनमा स्नातक तहमा  पहिलो वर्षको प्रथम सेमेस्टरमा अध्ययनरत छिन । श्रीमानको अध्ययनको सिलसिलामा लुना श्रीमानसँगै डेनमार्क गएको आफूले पनि फोटोग्राफी पढेको बताउँछिन । नेपाल फर्केपछि  पत्रकारितामा रुची लागेर उनी स्नातक तहमा पत्रकारिता पढ्दै छिन ।  

श्रीमानको घर चाहीँ कर्जुना, मोरङ र आफ्नो घर दमक भएको बताउने लुना हाल बालकुमारी कोटेश्वरमा श्रीमानसँग बस्दै आएकी छिन ।

भर्खरै शिल्पी थिएटरबाट मेचीदेखि  महाकाली यात्रा गरेर आएकी लुनाले यात्राबाट धेरै अनुभव बटुलेको बताइन । यस यात्राबाट नेपालको खासगरी तराइको वास्तविक जनजीवन  बुझ्ने अवसर मिलेको बताउँछिन ।  फोटो ब्लगिङ गर्ने लुना  आफ्नो ब्लग 'ऐना' मा विभिन्न ठाँउको फोटो समावेश गरेको र ब्लग ऐनाले आफ्नो कामको प्रतिबिम्ब गरेको बताउँछिन।  

भर्खरै मेचीदेखि  महाकाली यात्रा गरेर आउनु भयो । कहिले जानु भयो  र कस्तो अनुभव भयो ?

चैत्र १० गते बिहान काठमाडौंबाट हिंड्यौं र बैशाख २ गते आइपुग्यौँ । नेपालको खासगरी तराइको वास्तविक जनजीवन  बुझ्ने अवसर मिल्यो । मलाई यस्तो लाग्यो देश परिवर्तनको मोडमा छ । युवाहरु  आधुनिक हुदैछन् तर अशिक्षित , उपद्र्याहा र बेरोजगार युवाहरुको ठुलो सन्ख्या मैले तराइमा भेटे जुन एक किसिमले डरलाग्दो स्थिति  हो ।  

राम्रो-राम्रो फोटो खिच्न पाएँ । बुटवलभन्दा पर कहिले गएको थिइन । पश्चिम नेपाल कस्तो छ भन्ने थाहा थिएन । पश्चिम नेपाल, त्यहाँको जनजीवन देख्न पाएँ ।  

भौगोलिक सुन्दरता, बिभिन्न ठाउका बेग्लाबेग्लाई लवाइखुवाइ र परिवेशले मलाई धेरै कुरा सिकायो । शहरका युवाहरुले नेपालको वास्तविक अनुहार बुझ्न आवश्यक छ जस्तो लाग्यो । खासगरी मलाई ती अनुहारहरुले धेरै सिकाए र भावुक बनाए, जो दिनभरी काम गरेर साँझ नाटक हेर्न आउने थकित र अनेकौ समस्या बोकेका अनुहारहरु थिए । धेरै स्थानीय महिलाहरुसँग कुरा गर्ने मौका पाएँ र तिनका दु:खका कुरा सुनें । हामी राजाधनीमा अर्कै भ्रममा बाचेँका रहेछौं ।

फोटोग्राफीतिर कसरी आकर्षित हुनु भयो ?

सानैदेखि निकै रुचि थियो । तर अवसर पाएको थिइनँ । यहाँ हुँदा कलेज जाने, जागिर खानेमात्र ध्यान थियो । उता डेनमार्क गएपछि आफ्नो रुचिको काम गरुँ भन्ने भयो । यहीँबाट सोचेर गएको थिएँ फोटोग्राफी गर्छु भनेर । त्यही भएर फोटोग्राफीको टिचर खोजे र फोटोग्राफी पढ्न थालेँ ।

फोटोग्राफीमा नै करियर बनाउँछु भनेर सोच्न भएको छ ?

मैले फोटोग्राफीमा नै करियर बनाउँछु भनेर पत्रकारिता पढिरहेको छु । यसमा चौथो र पाँचौ सेमेस्टरमा फोटो जर्नालिज्म पढ्नु पर्छ । त्यही भएर नै मैले फेरी ब्याचलर्स देखि  पढेको हुँ । 

अब ब्लगिङको कुरा गरौँ । ब्लगिङतिर कसरी आकर्षित हुनु भयो ?

पहिलेदेखि नै ब्लगहरु धेरै पढ्थेँ । आफूले खिचेको फोटोलाई कसरी सबै सामु ल्याउने भन्ने लाग्थ्यो । अब हामी जस्तो भर्खरै सिकेको मान्छेले मिडियाहरुमा अप्रोच गर्न पनि गार्‍हो। ब्लग भयो भने सजिलो हुन्छ जस्तो लाग्यो । त्यही भएर फोटो राख्न भनेर ब्लग बनाएँ ।

किन ब्लगिङ नै रोज्नु भयो?

धेरै जनाले हेर्नुहुन्छ, कमेन्ट गर्नुहुन्छ । मैले गरेको कामहरुको बारेमा कमेन्ट गर्दा झन उत्साह हुन्छ ।

फोटोग्राफी गर्न थाल्नु भएको कति  भयो ?

अढाइ वर्ष जति भयो ।

डेनमार्कमा फोटोग्राफी सिक्दाको अनुभव कस्तो रह्यो ?

जतिबेला मैले क्यामेरा बोकेको थिएँ,  त्यतीबेला फोटोग्राफी भनेको के हो र, फोटो खिच्ने त हो नि जस्तो लाग्थ्यो । तर जब क्लास लिन थालेँ टिचरले असाइन्मेण्ट दिँदा मैले थाहा पाएँ राम्रो फोटो खिच्न कति गार्‍हो छ भनेर।

मेरो पहिलो असाइन्मेण्टमा मैले नचिनेको मान्छेको पोर्ट्रेट खिच्नु पर्ने थियो । कसैले पनि फोटो खिचाउन मानेन मैले कतिजना डेनिसलाई राजी गराउन खोजेँ तर उनीहरुले मानेनन । मैले एकजना पनि डेनिसको फोटो खिच्न पाइनँ र कोपेनहेगन घुम्न आएका पर्यटकको फोटो खिचेर लगेँ । डेनमार्कमा फोटोग्राफी पढ्दा मैले धेरै कुरा सिकेँ । 

यहाँ फोटोग्राफीको कस्तो अनुभव भइरहेको छ ?

पोर्ट्रेट त यहाँ पनि गार्‍है छ तर ल्यान्डस्केप चाँही राम्रो छ । (हाँस्दै ) हाम्रो देश नै राम्रो छ नि होईन र ?

तपाईंले ब्लगको नाम 'ऐना राख्नु भएको रहेछ । किन

यस्तो नाम राखौँ जसले मेरो कामको प्रतिबिम्ब गरोस भनेर म र मेरो श्रीमानले धेरै सोच्दा-सोच्दा ऐना राख्यौँ । 

तपाईंको ब्लगको बारेमा केही भनिदिनुस न

मेरो पहिलो ब्लग सुर्यास्तको बारेमा थियो जुन मैले कोपेनहेगनको आसपासमा खिचेको थिएँ । एकचोटी बोटिङ गर्न गएका थियौँ ।  त्यहीबेला मैले समुन्द्रको बीचबाट खिचेको थिएँ र त्यही फोटो ब्लगमा राखेको थिएँ । मलाई सुर्यास्त एकदमै मन पर्छ त्यही भएर म सुर्यास्तको धेरै फोटो खिच्छु ।

त्यसपछि पोर्ट्रेट राखेँ । मलाई मानिसहरुको  अनुहारको  भाव धेरै मन पर्छ । एउटा फोटो खिच्दा मानिसको धेरै भाव कैद गरिएको हुन्छ । 

अहिलेसम्म के-के पोस्ट गर्नु भएको छ  ब्लगमा ?

पहिलो एउटा-दुइटा पोस्ट कोपेनहेगनको छ । पेरिस र जर्मनीको फ्राइबर्ग घुम्न गएको थिएँ त्यहाँको पोस्ट राखेको छु । अरु चाँही नेपालकै राखेको छु । झापा, मोरङ र भर्खरै मेचीदेखि महाकालीको सिरिज भनेर राखेको छु ।

ब्लगिङमा कति समय दिनुहुन्छ ?

त्यो चाँही हेरेर हुन्छ । आफूलाई मन लागेको बेलामा ब्लगिङ गर्छु । 

ब्लगबाट कस्तो प्रतिकिया पाइरहनु भएको छ ?

साथीहरुले राम्रो-राम्रो कमेन्ट गर्नु हुन्छ, राम्रो छ भन्नुहुन्छ हौसला दिनु हुन्छ । यो फोटो मलाई मन पर्‍यो भन्नुहुन्छ यस्तो प्रतिकिया पाउँदा खुशी लाग्छ ।

नेपालमा ब्लगिङको ट्रेन्ड कस्तो छ जस्तो लाग्छ ?

काठमाडौंमा ब्लगिङ गर्ने ट्रेन्ड धेरै छ । काठमाडौंमा ब्लगिङ गर्ने युवाहरु धेरै देखेको छु ।  काठमाडौंमा बाहिर चाँही मलाई त्यति थाहा छैन । जसरी ब्लगिङ गर्नु हुन्छ लेख्नु हुन्छ एकदम राम्रो लाग्छ । त्यो देख्दा धेरै पढ्नु हुन्छ, लेख्नु हुन्छ जस्तो लाग्छ ।

 

ब्लगिङ गर्दाको रमाइलो अनुभव ?

मेरो पहिलो ब्लग पोस्ट गर्दा एकदमै उत्साहित भएको थिएँ । मैले ब्लग पोस्ट गरेँ अनि मेरो श्रीमानलाई देखाएँ । मैले त्यसमा थोरै लेखेर फोटोहरु पोस्ट गरेको थिएँ । मलाई त्यतिबेला कसरी ब्लगलाई राम्ररी मिलाएर राख्ने भने पनि थाहा थिएन । अरुको हेरेर त्यही अनुसार बनाइरहेको थिएँ । मैले फेसबुकबाट शेयरगरे र मेरो श्रीमानले पनि फेसबुकबाट शेयर गरिदिनु भएको थियो अनि एकै चोटी दुइ सय पचास जनाले हेर्नु भएको थियो त्यतीबेला म एकदम खुशी भएको थिएँ । 

अब एकैछिन अरु सोसिअल नेट्वर्किङ साइटको कुरा गरौँ । कुन-कुन सोसिअल नेट्वर्किङ साइट प्रयोग गर्नु हुन्छ

फेसबुक, ट्वीटर, ब्लग , गुगल प्लस चलाउँछु। गुगल प्लस त्यतिधेरै चलाउदिन । फेसबुक, ट्वीटर एकदमै चलाउँछु । फेसबुक चाहीँ साथीहरुसँग सम्पर्कमा रहनको लागि मात्र चलाउँछु । फेसबुकमा आफ्नो ब्लग शेयर गर्छु र थोरै मात्र आफ्नो कुराहरु शेयर गर्ने गर्छु । ट्विटरमा अरुको ट्वीट धेरै  पढ्छु थोरै मात्र आफू लेख्छु ।

सोसिअल नेटवर्किङ साइटको बारेमा तपाईंको धारणा के छ?

सोसिअल नेटवर्किङ साइटको कुरा गर्नु पर्दा  यो मानिसहरुलाई खुल्न र मनमा लागेको कुराहरु व्यक्त गर्ने  थलो हो । यसले कहाँ के भइरहेछ भनेर बुझ्न मद्दत गरेको छ र अरु धेरै कुरामा यसले सजिलो पारेको छ । आजकाल गाउँ-गाउँमा पनि मोबाइलबाट इन्टर्नेट चलाउन सम्भव भएको छ । यसले गर्दा गाँउ-ठाउँको खबर पनि थाहा हुने भएको छ । एक ठाउँबाट अर्कोमा कनेक्ट हुन पनि सजिलो भएको छ । 

अहिले सोसिअल नेटवर्किङ साइट नभएको भए के हुन्छ जस्तो लाग्छ तपाईंलाई

म यहाँ हुन पाउने थिइन ( हा हा ) । म धेरै समय यसमै बिताउने भएकोले गर्दा धेरै गार्‍हो हुन्थ्यो। केहि थाहा हुँदैनथ्यो कुवाको भागुतो जस्तो हुन्थ्यो होला ।

सोसिअल नेटवर्किङ साइटले तपाईंको व्यक्तिगत जीवनमा केहि प्रभाव पारेको छ ?

आफूलाई धेरै समय दिने र अरुको लागि  समय नै नभएको जस्तो हुन्छ । आ-आफ्नो कम्प्युटर लियो, आफू यता श्रीमान उता । अनि आफूमा रमाउने बानी विकास हुने रहेछ सामाजिक सन्जालको धेरै प्रयोग गर्दा । अनि सकारात्मक कुरा गर्दा ट्विटरमा हुने बहस हेर्दा आजकाल के भइरहेको छ , युवाहरुको कस्तो विचार छ के सोच्दा रहेछन भन्ने कुरा थाहा हुन्छ ।

सोसिअल नेटवर्किङ साइटका नकारात्मक पक्ष के-के हुन ?

नकारात्मक कुराहरु गर्नु पर्दा ह्याक गर्ने जस्तो मेरो एक जना दिदिको ६-७ महिना अगाडी अकाउन्ट ह्याक गरेर त्यो फेसबुक अकाउन्ट बन्द गर्नु परेको थियो । अनि अर्कैको फोटो राखेर प्रोफाइल बनाउने जे पायो त्यही लेख्ने । कहिलेकाँही वालमा एकदमै नराम्रो कुराहरु लेखिदिएको, जेल जानु परेको भन्ने सुनिन्छ। कतिजनाको त सम्बन्ध-विच्छेद भएको पनि सुनिन्छ विदेश तिर । ट्विटरमा लक नगर्नु  भनिन्छ तर त्यसो गर्दा जसले पनि फलो गरिदिने, स्पाम हुने जस्तो कुराहरु देखेर नराम्रो लाग्छ । 

यस्तो कुराहरुलाई रोक्न के गर्नु पर्छ ?

आफैले प्राइभेसीमा राख्ने । जस्तो मेरो कुरा गर्दा मलाई कसैले मेसेज पठाउन पाउँदैन्,  मेरो फोटो हेर्न पाउँदैन , मैले कभर फोटो राख्दा पनि पहिलाको हटाइदिन्छु ।

अब मेरोरिपोर्टको कुरा गरौँ । तपाईंलाई मेरोरिपोर्ट कस्तो लाग्छ ?

राम्रो लाग्छ । नयाँ ब्लगरलाई प्रोत्साहन गर्नु हुन्छ वहाँहरुको अन्तर्वार्ता पढ्दा रमाइलो लाग्छ । 

मेरोरिपोर्टलाई केहि सुझाव दिन चाहनुहुन्छ

राम्रो छ । अझै नयाँ प्रतिभाहरुलाई प्राथमिकता दिनु होला ।


तपाईंको ब्लग
लिन्कhttp://lunaaina.blogspot.com

 

 

 


नोट: के तपाइं पनि ब्लगिङ गर्नुहुन्छ? यदि गर्नुहुन्छ भने तपाइं पनि यो स्तम्भमा फिचर हुन सक्नुहुन्छ । कृपया आफ्नो ब्लग लिङ्क हामीलाइ पठाउनुहोस् । वा आफ्नो ब्लगको विवरण cj@meroreport.netमा इमेल गरेर पठाउन सक्नुहुन्छ । तपाइंको ब्लग हेरेर हामीले निर्णय गर्नेछौं ।

 

 

 

मेरोरिपोर्टमा हालसम्म फिचर हुन सफल साताका ब्लगरहरु:
काकाबा (हरि न्यौपाने)
भुमिका तुलाधर
उर्मिला थपलिया
आस्मा अर्याल
सुवास अधिकारी
महेश सागर खनाल
दिपक अर्याल
सबिन सिंह
सागर शर्मा
रमेश खत्री
अस्मिता पौडेल
जनकराज भट्ट
भोजराज दाहाल
यादव हुमागाइ
गीता चौधरी
Sabin Gnawali
Kishor Sharma
Raman Paneru
Sarina Khanal
Sunita Giri
Purna Bahadur Khadka
Chandan Sapkota
Samjhana KC
Swapan Pradhan
Pradeep Basyal
Jiwan Kshetri
Jhataro Kaila
Shakuntala Limbu
saurav dhakal
K P Dhungana
Anish Bhattarai
Deepak Bhattarai
Somesh Verma
Surath Giri
Deepak Adhikari
BishwaRajAdhikari
Binita Dahal
Brabim Kumar
Pramod Neupane
Ujjwal Acharya
Meghraj Khadka
Santosh Devkota
MadhuSudhan Guragain
mukesh pokhrel
Phani Mahat
Subuna Basnet
Santosh Neupane
Uma Thapa Magar
Srijana
Ramkumar Elan
Shanti Bikram Gautam
Bhumika
Shiva
Saroj
Kabita
Akar

Comment

You need to be a member of MeroReport to add comments!

Join MeroReport

Comment by Binaya Shekhar on June 29, 2013 at 11:59am

Bahdai chha! 

Comment by Pagal Basti on May 6, 2012 at 10:58am

लुना जि बधाइ छ है स्विकार होस

Comment by ramesh khatri on May 4, 2012 at 2:48pm

धेरै राम्रा राम्रा फोटोहरु हेर्न पाइयको छ तपाईको ब्लगमा, अझै धेरै फोटो हरु हेर्न पाईयोस है ..शुभकामना!!! 

Comment by एसवी गौतम on May 3, 2012 at 12:45pm

congratulation !

Comment by Aakar Anil on May 3, 2012 at 12:10pm

Congratulations! :)

Comment by Deepak Aryal on May 3, 2012 at 11:34am

Congratulation.

Comment by Indra Dhoj Kshetri on May 3, 2012 at 11:31am

लुनाजी ल बधाई छ है ।

Comment by JawKnockRaazaa on May 3, 2012 at 11:09am

Congrats Luna! party!!! Treat toh bantaa hai!! :))

Comment by Ajeeta Sigdel on May 3, 2012 at 10:50am

Congratulations!! 

Comment by Bhumika Ghimire on May 2, 2012 at 8:29pm

luna ji, photo haru ekdum ramra chan. khushi lagyo. wish u success.

© 2017   Created by Equal Access for the Civil Society: Mutual Accountability Project (CS:MAP) implemented by FHI 360 with the funding support from United States Agency for International Development (USAID). The contents of this website are the sole responsibility of CS:MAP and do not necessarily reflect the views of USAID or the United States Government.   Powered by

Badges  |  Report an Issue  |  Terms of Service